كونتسەرتتىك باعدارلاما اياسىندا ساحنادا قازاقستاننىڭ ەڭبەك سىڭىرگەن قايراتكەرلەرى ايتقالي جايىموۆ پەن رامازان ستامعازيەۆ, «قۇرمەت» وردەنىنىڭ يەگەرى دارحان راحىمعاليەۆ, قازاقستاننىڭ ەڭبەك سىڭىرگەن قايراتكەرى قاراقات ءابىلدينا, حالىقارالىق بايقاۋلاردىڭ لاۋرەاتتارى, ونىڭ ىشىندە التىنشاش مۇقاتاەۆا مەن «ۆيتەبسك» حالىقارالىق بايقاۋىنىڭ جەڭىمپازى شەرحان ارىستان جانە باسقا دا تانىمال ورىنداۋشىلار ونەر كورسەتتى.
كونتسەرتكە مكق پرەزيدەنتتىك وركەسترىنىڭ ەسترادالىق-سيمفونيالىق وركەسترى, استانا قالاسى اكىمدىگىنىڭ مەملەكەتتىك اكادەميالىق فيلارمونياسىنىڭ قازاق وركەسترى, «ناز» مەملەكەتتىك بي تەاترى, «ادەمى-اۋ» قازاق بي ءانسامبلى جانە ەلىمىزدىڭ باسقا دا شىعارماشىلىق ۇجىمدارى قاتىستى.
«كونستيتۋتسيا – تاۋەلسىز قازاقستاننىڭ رامىزدەرىنىڭ ءبىرى. سوندىقتان بۇل كۇن ءبىزدىڭ ازاماتتارىمىز ءۇشىن ەرەكشە ماڭىزدى. كونستيتۋتسيا – ەلىمىزدىڭ ەگەمەندىگىن, سونداي-اق وسى قۇجاتتا بەلگىلەنگەن قاعيداتتارعا بەرىكتىك پەن ادالدىقتى بىلدىرەدى. بارشا وتانداستارىمدى وسىناۋ مەرەكەمەن قۇتتىقتايمىن!» دەدى مادەنيەت جانە سپورت ۆيتسە-ءمينيسترى ارمان جۇدەباەۆ.
