فوتو: بقو اكىمدىگىنىڭ ءباسپاسوز قىزمەتى
ەسكە سالا كەتسەك, نۇرلان يساتاەۆ حورۆاتيانىڭ زاگرەب قالاسىندا وتكەن كادەتتەر اراسىندا دزيۋدودان الەم چەمپيوناتىندا التىن مەدال ەنشىلەدى. وبلىس اكىمى جاس سپورتشىنىڭ بۇدان دا بيىك بەلەستەردى باعىندىراتىنىنا سەنىم ءبىلدىردى.
«وزىڭدەي جاستار - ەل ماقتانىشى. سەن تەك وبلىس اتىن عانا ۇلىقتاماي, قازاق ەلىن الەمگە تانىتاسىڭ. ءبىز سەنى ماقتان ەتەمىز», دەدى ناريمان تورەعاليەۆ.
كەزدەسۋ بارىسىندا وبلىس اكىمى جاس چەمپيونعا پاتەر كىلتىن تابىس ەتتى.
الەم چەمپيونى اتانعان نۇرلان يساتاەۆ قازاقستان قۇراماسىندا 55 كەلىگە دەيىنگى سالماق دارەجەسىندە ونەر كورسەتتى. 23-27 تامىز ارالىعىندا وتكەن بۇل بىرىنشىلىككە الەمنىڭ 64 ەلىنەن 570-تەن استام سپورتشى قاتىستى. ءوز توبىندا ءبىرىنشى ورىن العان نۇرلان جارتىلاي فينالدا وتانداسى ورالبەك بايزاقپەن كەزدەسسە, فينالدا گرۋزيالىق مەرابي ساماداشۆيليمەن بەلدەستى.
ايتا كەتسەك, نۇرلان يساتاەۆتىڭ جاتتىقتىرۋشىسى التىنبەك سۇپىعاليەۆكە ءبىر ميللين تەڭگە كولەمىندە قارجىلاي سىيلىق بەرىلدى.
