بۇل – مەملەكەت باسشىسىنىڭ كونستيتۋتسيامەن بەكىگەن قۇقىعى

كەشە پارلامەنت ءماجىلىسىنىڭ كەزەكتەن تىس پلەنارلىق وتىرىسى ءوتىپ, وندا ءبىر عانا ماسەلە قارالدى. ءماجىلىس توراعاسى ورال مۇحامەدجانوۆ ەل پرەزيدەنتى نۇرسۇلتان نازارباەۆتىڭ قا­زاقستان رەسپۋبليكاسىنىڭ ازاماتتارىنا, قازاقستان رەسپۋبليكاسىنىڭ پارلامەنتىنە, “نۇر وتان” حالىقتىق-دەموكراتيالىق پارتياسىنىڭ ساياسي بيۋروسىنا ارناۋىنىڭ مازمۇنىمەن تانىستىردى. انار تولەۋحانقىزى. ءماتىندى تولىق وقىپ شىققان توراعا بۇل جەردە ءجارىسسوزدىڭ قاجەتى جوق, سوندىقتان ەلباسىنىڭ ارناۋىن ەسەپكە الۋ جونىندە قاۋ­لى­نى قابىلداعانىمىز ءجون دەپ, ءارىپ­تەستەرىن ماسەلەنى داۋىسقا سالۋعا شاقىردى. وتىرىسقا قاتىسىپ وتىر­عان 85 دەپۋتاتتىڭ بارلىعى دا جاقتاپ داۋىس بەرىپ, ەلباسىنىڭ ۇستانىمىن قۇرمەتتەيتىندىكتەرىن تانىتتى. ماجىلىستەن شىققان دەپۋتات­تار­دى سوزگە تارتىپ, ولاردىڭ پىكىر­لە­رىن سۇراعان ەدىك. گۇلميرا يسىمباەۆا: ەلباسىنىڭ شەشىمىن ءبىز دۇرىس ءتۇسىنۋىمىز كەرەك. پارلامەنت ءماجى­لى­سىنىڭ دەپۋتاتتارى ول كىسىنىڭ شە­شى­مىن قولداپ, ماقۇلداپ وتىر. قا­زاق­تا ماقال بار عوي “ ۇلىق بولساڭ, كىشىك بول” دەگەن. ەلباسى وسى ۇلگىنى بارىمىزگە كورسەتتى. ەگەر ەلدىڭ تاۋەل­سىزدىگىنە, قاۋىپسىزدىگىنە ءبىر قاۋىپ تونسە عانا ەلىمىزدىڭ تۇراق­تىلىعىن نىعايتۋ ءۇشىن, سىرتتان ءبىر قاۋىپ-قاتەر كەلىپ جاتقان جاع­دايدا مەن قوسىمشا قۇزىرەت سۇ­راي­مىن, سونى سىزدەردىڭ قولدايتىن­دىقتارىڭىزعا سەنەمىن دەدى. جالپى, تاۋەلسىز مەملەكەت قۇرۋ, ونى الەمگە تانىتۋ, حالقىن جەتىس­تىك­تەرگە جەتكىزۋ ەكىنىڭ ءبىرىنىڭ ماڭ­دايىنا جازىلا بەرمەيتىن باقىت. نۇرسۇلتان ءابىش ۇلىنىڭ ەل تا­ري­حى­نا ەنەتىن تۇلعا ەكەنىنە قىلداي كۇ­مان جوق. سوندىقتان زاڭ قابىل­دانسا دا, قابىلدانباسا دا ەلباسى وسى تۇعىرىندا. بۇگىنگى ارناۋ ونىڭ حالىق تانىعان, ەل تانىعان بيىك تۇلعا ەكەنىن تاعى ءبىر كورسەتتى. وتباسى تۋرالى دا ول كىسى زاڭنىڭ الدىندا بارلىق ازاماتتار بىردەي, كىم دە كىم زاڭنان تىس, زاڭعا قايشى ارەكەت ەتسە ول سوعان جاۋاپ بەرۋى ءتيىس دەدى. وسى وي ارقىلى زاڭ ورىندالعاندا كىمدە-كىم كە­لەشەگىنە سەنىممەن قاراي الا­تىن­دىعىن جەتكىزدى. ال زاڭعا قول قويۋ نەمەسە قويماۋ ماسەلەسىنە كەلەتىن بولساق, بۇل – پرەزيدەنتتىڭ كونس­تيتۋتسيا­مەن بەكىتىلگەن قۇقى­عى. سوندىقتان ءبىز بۇل شەشىمدى قابىلدايمىز. وسى جولى ەلباسى جەكە باسىنىڭ قا­سيەتىنىڭ قانداي جوعارى ەكەنىن تاعى دا كوپشىلىككە تانىتتى. مايرا ايسينا: پرەزيدەنتتى تولىق قولدايمىز. ەلباسى دا ادام بالاسى, بىراق كوپ­تىڭ ءبىرى ەمەس, سوندىقتان بيىك پا­را­سات يەسى ەكەنىن تانىتتى. جالپى, قاي ورتادا دا, بالا كەزىمىزدەن ءبى­لە­مىز, بەيرەسمي ليدەر, ياعني كوش­باس­شى دەگەن ۇعىم بولاتىن. ونى بارلىعى مويىندايدى, سوزىنە قۇلاق اسادى, ىسىنە قاراپ بوي تۇزەيدى. ءبىز­دىڭ ەلباسى ارنايى زاڭ قابىل­دان­باسا دا ۇلت الدىندا وسىنداي بەي­رە­سمي كوشباسشى. مەنىڭ بۇل ءپى­كىرىمدى وزگەلەر دە قولدايدى دەگەن وي­دامىن. ويتكەنى, نۇرسۇلتان نازارباەۆ قاشاندا ءبىزدىڭ كوشباس­شىمىز بولعان جانە بولىپ قالا بەر­مەك. بۇل – شىن كوڭىلمەن ايتىلعان ءسوز. پرەزيدەنت ءوزىنىڭ كوشباسشىلىق قاسيەتتەرىن ىسپەن دالەلدەگەن ازامات. ال ونى زاڭ ءتۇ­رىندە ەنگىزۋ ماسەلەسىنە كەلەتىن بول­ساق, بۇل, بالكىم, سونشالىقتى ما­ڭىز­دى ەمەس تە شىعار. مەملەكەت باس­شىسىنىڭ بۇل زاڭعا قول قوي­ماۋى ونىڭ مارتەبەسىن بيىكتەتپەسە كەمىتە قويعان جوق. امانگەلدى مومىشەۆ: ەلباسى – شىنىندا ۇلت كوش­باسشىسى دەگەن اتقا ابدەن لايىق ادام. بىراق ادام رەتىندە مەن ول كى­سىنى ءتۇسىنىپ, قولدايمىن. زاڭ قا­بىلدانباسا دا ول كىسى ۇلت تانىعان ەلباسى. ءومىر الدا, بۇل تەك جەكە­لەگەن ءبىر توپتىڭ ەمەس, حالىقتىڭ ويى بولاتىن, تىلەگى-تۇعىن. سول سە­بەپتەن زاڭ جوباسى دۇنيەگە كەلگەن-ءدى, بىراق پرەزيدەنت وعان ۆەتو قوي­دى, ول اتا زاڭىمىزدا جازىلعان قۇقىعى. وسى زاڭ جوباسى باستاماشى­لارى­نىڭ ءبىرى سۆەتلانا فەرحو: مەن دە ەلباسىن قۇرمەتتەيتىن ادامداردىڭ ءبىرىمىن, بۇگىنگى پرە­زيدەنت ارناۋىنا دا وسى تۇرعىدان كەلەمىن. زاڭ جوباسى تەك پار­لا­مەنت قابىرعاسىندا تۋعان ويدان ەمەس, حالىقتىڭ ءوز ىشىنەن, زيالى­لاردان, ستۋدەنت جاستاردان, اعا ۇرپاق وكىلدەرىنىڭ پىكىرىن جيناقتاپ بارىپ, زاڭدىق نەگىزىن قالايىق دەگەن ويدان تۋعان جوبا بولاتىن. پرەزيدەنتتىڭ ءوز قۇزىرەتىنىڭ ءبيى­گىنەن زاڭدى كەرى قايتارۋى, جالپى ءوز ەلىنىڭ بارلىق ازاماتتارىنا, پارلامەنت پەن پارتيالاستارىنا ارناپ, نەگە باس تارتاتىنىن ايتۋىن دا بار ىقىلاسىممەن قابىل الدىم. سوندىقتان, بۇل جەردە مەنەن قانداي وي ايتاسىز دەپ سۇراۋ دا ارتىق, مەن ەلباسىن قۇرمەتتەيمىن, قولدايمىن. ءومىر العا جىلجيدى, ۋاقىت ءبىر ورىندا تۇرمايدى, ەندىگى ساۋالدى الداعى كۇننىڭ ەنشىسىنە قالدىرعانىمىز ابزال.