فوتو: عىلىم جانە جوعارى ءبىلىم مينيسترلىگى. تەلەگرام.
عىلىم جانە جوعارى ءبىلىم مينيسترلىگىنىڭ ءباسپاسوز قىزمەتى ۇسىنعان اقپاراتقا سايكەس, ۇلتتىق قۇراما قورجىنىنا التىن مەدال سالعان نينەل ابلاەۆا - ل.ن. گۋميلەۆ اتىنداعى ەۇۋ الەۋمەتتىك عىلىمدار فاكۋلتەتىنىڭ 2 كۋرس ستۋدەنتى. ول 57 كەلى سالماق دارەجەسىندە ۇزدىك دەپ تانىلىپ, حالىقارالىق دارەجەدەگى سپورت شەبەرى اتاعىن ءساتتى قورعادى. ول ءۇش جاتتىعۋدا 400 كەلىنى ەركىن باعىندىرىپ, ءوز سالماق دارەجەسىندە ەڭ جاقسى ناتيجە كورسەتتى: وتىرىپ كوتەرۋ – 155 كگ, سىعىمداپ كوتەرۋ – 82,5 كگ, جۇلقا كوتەرۋ – 162,5 كگ جانە حالىقارالىق دارەجەدەگى سپورت شەبەرى اتاعىن قورعادى.
پاۋەرليفتينگ سپورتىمەن ەكى جىلدان بەرى اينالىساتىن ن.ابلاەۆا بىلتىرعى جىلى وتكەن چەمپيوناتتا ەكى التىن مەدال جەڭىپ العان ەدى.
بۇعان دەيىن ەۇۋ ستۋدەنتى ءتورت جىل قويان-قولتىق ۇرىس بويىنشا ەلىمىزدىڭ نامىسىن تالاي جارىستاردا تابىستى قورعاعان. ول سپورتتىڭ بۇل ءتۇرى بويىنشا الەمنىڭ كۇمىس جۇلدەگەرى جانە ازيا چەمپيونى, سپورت شەبەرى اتاعىنا يە. سونداي-اق قويان-قولتىق جەكپە-جەكتەن سپورت شەبەرلىگىنە كانديدات.
ايتا كەتسەك, اتالعان الەم چەمپيوناتىنا 55 ەلدەن 600-دەن استام 14 جاس پەن 23 جاس ارالىعىنداعى 600-دەن استام سپورتشى قاتىسۋدا.
