فوتو: kazchess.kz
وسىعان وراي تامىز ايىنىڭ 21-25 كۇندەرى ارالىعىندا استانا, شىمكەنت قالالارىندا جالپى ءبىلىم بەرەتىن مەكتەپ پەداگوگتەرىنە ارنالعان «شاحماتتى وقىتۋ ادىستەمەسى» اتتى كۇندىزگى وقىتۋ سەمينارلارى وتكەن. وقىتۋ قازاقستاندىق شاحمات فەدەراتسياسىمەن باستاۋىش سىنىپتاردىڭ وقۋ باعدارلاماسىنا شاحماتتى كەزەڭ-كەزەڭىمەن ەنگىزۋ جونىندەگى پيلوتتىق جوبانىڭ شەڭبەرىندە (ۆارياتيۆتىك كومپونەنت ساعاتتارى ەسەبىنەن) ۇيىمداستىرىلعان.
پيلوتتىق جوباعا باتىس قازاقستان, قاراعاندى, قىزىلوردا, پاۆلودار وبلىستارىنان جانە استانا, الماتى, شىمكەنت قالالارىنان, ياعني ەلىمىزدىڭ 7 ايماعىنان بارلىعى 42 مەكتەپ قاتىستى.
«2023-2024 وقۋ جىلىندا «شاحمات نەگىزدەرى» وقۋ باعدارلاماسىن سىناقتان وتكىزۋ جوسپارلانۋدا. پيلوتتىق جوبا اياسىندا 42 مەكتەپ قازاق تىلىندە وقىتاتىن ءبىرىنشى سىنىپتاردىڭ بىرىندە تاڭداۋ بويىنشا وسىنداي كۋرستى ەنگىزەدى دەپ كۇتىلۋدە. قازىر ءبىرىنشى سىنىپ وقۋشىلارىنا ارنالعان كۋرستى وقىتۋمەن اينالىساتىن مۇعالىمدەر قاجەتتى وقىتۋدان وتۋدە. ءبىز وسى باعدارلامانى ەنگىزۋدەن جاقسى ناتيجە كۇتەمىز. ويتكەنى, شاحماتتىڭ بالالىق شاقتاعى ينتەللەكتتىڭ دامۋىنا وڭ اسەرى بۇرىننان عىلىمي دالەلدەنگەن», دەدى دارىسكەر ولجاس مەنعالي.
پيلوتتىق جوبا «Freedom Broker» كومپانياسى – قشف باس سەرىكتەسىنىڭ قولداۋىمەن «شاحماتتى دامىتۋدىڭ 2023-2027 جىلدارعا ارنالعان كەشەندى جوسپارى» اياسىندا جۇزەگە اسىرىلىپ جاتىر.
