دەكلاراتسيا ۋاقىتى اياقتالۋعا جاقىن

2021 جىلى جالپىعا بىردەي دە­ك­لا­راتسيالاۋدىڭ ءبىرىنشى كەزەڭىنە كىرگەن جانە بۇرىن اكتيۆتەرى مەن مىندەتتەمەلەرى تۋرالى دەكلاراتسيا­نى ۇسىنعان تۇلعالار اتالعان قۇجاتتى تاپ­سىرۋدى جالعاستىرادى. ولارعا مەملەكەتتىك قىزمەتشىلەر, ولار­عا تەڭەستىرىلگەن تۇلعالار, بانك, ساق­­تاندىرۋ نارىقتارى مەن باعا­لى قا­­عازدار نارىعىنىڭ ءىرى قاتى­سۋ­­شىلارى, سونداي-اق وسى ادام­دار­دىڭ بارلىعىنىڭ جۇبايلارى جاتادى. ەكىنشى كەزەڭدە – 2023 جىلعى 1 قاڭتاردان باستاپ مەملەكەتتىك مەكە­­­مە­لەردىڭ قىزمەتكەرلەرى مەن ولار­دىڭ جۇبايلارى, سونداي-اق كۆا­زي­­­مەملەكەتتىك سەكتور سۋبەك­تى­لە­رىنىڭ قىزمەتكەرلەرى مەن ولاردىڭ جۇباي­لا­رى ءۇشىن دەكلاراتسيالاۋ جۇرگىزىلەدى.

وسىلايشا, 2023 جىلعى 1 قاڭ­تار­دان باستاپ جالپىعا بىردەي دە­ك­لاراتسيالاۋ جۇيەسىنە كىرگەن مەم­لەكەتتىك مەكەمەلەردىڭ قىز­مەتكەرلەرى مەن ولاردىڭ جۇبايلارى, كۆازيمەم­لە­كەتتىك سەكتوردىڭ قىزمەتكەرلەرى جانە ولاردىڭ جۇبايلارى 2023 جىلى اكتيۆتەر مەن مىندەتتەمەلەر تۋرالى دەكلاراتسيانى (250.00-نىسان) ۇسىنۋ ارقىلى 2024 جىلى كىرىستەر مەن م ۇلىك تۋرا­لى دەكلاراتسيانى (270.00-نىسان) ۇسىنادى.

ءۇشىنشى كەزەڭدە – 2024 جىلعى 1 قاڭتاردان باستاپ زاڭدى تۇلعالاردىڭ باسشىلارى مەن قۇرىلتايشىلارى جانە ولاردىڭ جۇبايلارى, جەكە كا­سىپ­كەرلەر مەن ولاردىڭ جۇبايلارى دەكلاراتسيالاۋعا جاتادى. ءتورتىنشى كەزەڭدە – 2025 جىلعى 1 قاڭتاردان باستاپ ازاماتتاردىڭ قالعان ساناتى دەكلاراتسيا تاپسىرادى. ايتا كەتەيىك, دەكلاراتسيا دەگەنىمىز – سالىق سالىناتىن جەكە تۇلعانىڭ تابىسى تۋرالى ەسەپ.

قارجى مينيسترلىگىنىڭ حابارلا­ۋىنشا, دەكلاراتسيادا مەملەكەتتىك نەمەسە باسقالاي تىركەۋگە تيەسىلى, ونىڭ ىشىندە شەكارادان تىس اۋماقتاعى مۇراگەرلىكپەن بەرىلگەن, ساتىپ الىن­عان نەمەسە ساتىلعان م ۇلىكتەر تۋرالى اقپاراتتار كورىنىس تابۋعا ءتيىس. وعان جىلجىمايتىن م ۇلىك, ونىڭ ىشىندە جەر تەلىمى نەمەسە جەر ۇلەسى; اۋە جانە تەڭىز كەمەسى, اۆتوموبيل, ارنايى تەحنيكا; تۇرعىن ءۇي قۇرىلىسىنا ۇلەستىك قاتىسۋ تۋرالى كەلىسىم بويىنشا تۇرعىن ءۇي عيماراتىنداعى ۇلەس; زاڭدى تۇلعانىڭ جارعىلىق كاپيتالىنا قاتىسۋ ۇلەسى; باعالى قاعازدار, وندىرىلگەن قارجى قۇرالدارى, تسيفر­لىق اكتيۆتەر; ينۆەستيتسيالىق التىن, زياتكەرلىك مەنشىك نىساندارى, اۆتورلىق قۇقىق جاتادى.

سونداي-اق باعالاۋ قىزمەتى تۋرا­لى زاڭناماعا سايكەس باعالاۋشى مەن سالىق تولەۋشى اراسىنداعى شارت بويىنشا جۇرگىزىلگەن باعالاۋ تۋرالى ەسەپتە ايقىندالعان قۇن بولعان كەزدە جەكە تۇلعا قالاۋى بويىنشا وسى مۇ­لىك­تىڭ بىرلىگى ءۇشىن باعا (قۇن) 1 000 اەك-تەن اسقان جاعدايدا وزگە م ۇلىكتى كورسەتە الادى.

ەلىمىزدە كەڭىنەن ەتەك العان جاع­داي­دىڭ ءبىرى – مامانداردىڭ جك قۇرۋ ارقىلى قىزمەت كورسەتۋى. ولاردا جالدامالى جۇمىسشىلار نەمەسە بيزنەس-جىلجىمايتىن م ۇلىك بولمايدى, سول سەبەپتى ولار ءوز قىزمەتىن اياقتاي وتىرا جك-ءنى جابۋ پروتسەدۋراسىن مىندەتتى دەپ سانامايدى. دەگەنمەن مەملەكەت ءۇشىن ول جك-لەر تىركەلگەن بولىپ ەسەپتەلەدى جانە سوندىقتان يەلەرى 2024 جىلدىڭ 1 قاڭتارىنان باستاپ اك­تيۆتەر جانە مىندەتتەمەلەر تۋرالى دەكلاراتسيانى تاپسىرۋعا مىندەتتى.

ەگەر جەكە كاسىپكەر ءوز قىزمەتىن ءارى قاراي جالعاستىرمايتىن بولسا, وندا ول جك-ءنى جاۋىپ, سايكەسىنشە 2024 جىلى دەكلاراتسيا تاپسىرماۋىنا بولادى. قازىرگى ۋاقىتتا جك-ءنى جابۋ ۇدەرىسى ءبىرشاما جەڭىلدەتىلگەن جانە دەر كەزىندە ەسەپ وتكىزبەگەنى ءۇشىن دە ايىپپۇل سالىنبايدى.

ەندى مەملەكەتتىك قىزمەتكەرلەر جا­يىنا كەلەيىك. №270 نەمەسە №250 فور­ماسى بويىنشا دەكلارا­تسيا تاپ­سىرۋدىڭ ءتارتىبى بىركەلكى بەكى­تىل­­گەن. مىسالى, ازامات مەملەكەت­تىك قىز­مەتتەن 2024 جىلدىڭ اقپانىن­دا كەتسە, بىراق 2024 جىلدىڭ 1 قاڭ­تا­رىن­داعى جاعداي بويىنشا جاۋاپتى باسقارۋشىلىق لاۋازىمدا بولعان بولسا (دەكلاراتسيا تاپسىرۋ بويىنشا مىندەتتى تۇلعالار كاتەگورياسىنا جاتقان بولسا), وندا ول 2024 جىلعى جالپى دەكلاراتسيا تاپسىرۋ اياسىندا كىرىستەرى تۋرالى مالىمەتىن ۇسىنۋعا مىن­دەتتى بولادى.

كىرىستەر تۋرالى دەكلاراتسياسى فور­ماسىنىڭ تيپتەرىمەن مەملە­كەت­تىك كىرىستەر كوميتەتىنىڭ سايتىندا تانىسۋعا مۇمكىندىك بار.

كىرىستەر مەن م ۇلىك تۋرالى دەكلاراتسيانى (270.00 فورماسى) جانە اك­تيۆتەر مەن مىندەتتەمە تۋرالى دەك­­­لا­راتسيانى (250.00 فورماسى) قا­عاز كۇيىندە دە, ەلەكتروندى فورماتتا دا تاپسىرۋعا بولادى. قاعاز كۇ­يىندە ۇسىنۋ ءۇشىن جەرگىلىكتى حالىق­قا قىز­مەت كورسەتۋ ورتالىعىنا جۇگى­نۋ كەرەك, نە بولماسا جەرگىلىكتى مەم­لە­كەتتىك كىرىستەر دەپارتامەنتىنە حات جول­داۋ قاجەت. ال ەلەكتروندى تۇردە تاپسىرۋ ءۇشىن ءۇش بىردەي نۇسقا بار. بۇل – سالىق تولەۋشىنىڭ جەكە كابي­نە­تى, eGov ەلەكتروندى ۇكىمەت پورتالى, eSalyq اzamat جانە eGov mobile ءموبيلدى قوسىمشالارى.

ەگەر دەكلاراتسيانى تاپسىرىپ, الايدا وندا قانداي دا ءبىر م ۇلىكتى كور­سەتۋ ۇمىت قالسا, قوسىمشا دەك­لا­را­­تسيا تاپسىرۋعا بولادى. كەلەسى ءۇش جىل ىشىندە وزگەرىستەر ەنگىزۋگە جول بە­رىلەدى. ال دەكلاراتسيانى ۇسىن­با­عا­نى ءۇشىن اكىمشىلىك جاۋاپكەرشىلىك قاراستىرىلعان. ءبىرىنشى رەت ەسكەرتۋ بەرىلەدى, ەكىنشى رەت سالىق سالۋشىلار دەكلاراتسيانى ۇسىنباعانى ءۇشىن 15 اەك, بۇعان قوسا سالىق سالۋ وبەكتىلەرىن جاسىرۋ كەزىندە تو­لەنبەگەن سالىقتار سوماسىنىڭ 200 پايىزى مولشەرىندە جانە ەگەر مۇن­داي بۇزۋشىلىق قاي­تا­لانسا, 300 پا­يىز مولشەرىندە ايىپپۇل كوزدەلگەن.

ەلىمىز شەگىنەن تىس جەردە مەن­شىك قۇ­قىعىندا م ۇلىكتىڭ بولۋى تۋرا­لى اق­پاراتتى جاسىرعان, سونداي-اق ەلىمىز شەگىنەن تىس ورنالاسقان شە­تەل­دىك بانكتەردە اقشاسى بار جەكە تۇل­عا­لار 100 اەك مولشەرىندە ايىپ­پۇل تولەيدى.

دەكلاراتسيا قاعاز تۇرىندە 15 شىل­دە­دەن, ەلەكتروندى تۇردە 15 قىر­كۇ­يەك­­­تەن كەشىكتىرىلمەي تاپسى­رىلۋعا ءتيىس.