بەرەرى مول ءبىلىم وشاقتارى

جاڭا فورماتتاعى وقۋ ورىن­دارى ەكى اۋىسىمدا 90 مىڭ­عا جۋىق وقۋشىعا ارنالعان ورىن اشۋعا مۇمكىندىك بەرەدى. ماسە­لەن, 24 مەكتەپتىڭ 15-ءى قارقىندى دامىپ كەلە جاتقان نۇرا مەن ەسىل اۋداندارىندا ورنالاسادى. سونداي-اق قالانىڭ ەلدى مەكەندەرىندە دە جايلى مەكتەپتەر بوي كوتەرەدى.

قازىرگى ۋاقىتتا 15 جايلى مەكتەپتىڭ قۇرىلىسى باستالىپ جاتىر. وسى ورايدا استانا اكىمى جەڭىس قاسىمبەك پەن Samruk-Kazyna Construction باسقارما توراعاسى ماۋلەن ايمانبەتوۆ مەكتەپتەردىڭ جوبالارىمەن, قۇ­رىلىس جۇمىسىنىڭ دايىن­دىق بارىسىمەن تانىستى. قا­زىرگى ۋاقىتتا جەر ۋچاسكەلەرىن دا­يىنداۋ بويىنشا جۇمىس ءجۇرىپ جاتىر. ياعني قورشاۋلار تۇرعىزۋ, ينجەنەرلىك-گەولوگيالىق ىز­دەس­تى­رۋ, قادالاردى بىتەۋ, ق­ۇ­رى­لىس تەحنيكاسىن جۇمىلدىرۋ, ت.ب. جۇمىستار.

سونىمەن قاتار ج.قاسىمبەك وزگە دە بىرقاتار مەملەكەتتىك مەكتەپتىڭ قۇرىلىسىمەن تانىس­تى. بۇل قاتاردا تۇران داڭعىلى مەن №24 كوشەنىڭ, قاراساي باتىر مەن بۇلانتى, كوكسەڭگىر كوشەلەرىنىڭ قيىلىسىنداعى مەك­­تەپتەر, سونداي-اق قازىرگى №17, №27 مەكتەپتەردىڭ جا­نىنداعى جاڭا عيماراتتار بار. قازىرگى ۋاقىتتا 14 مەكتەپتىڭ قۇ­رىلىسى ءجۇرىپ جاتىر, ونىڭ 11-ءى جاڭا وقۋ جىلى ىشىندە اشىلادى. مەكتەپتەردىڭ قۇرىلى­سى جاڭا اۋدانداردا دا, قالانىڭ وڭ جا­عالاۋىندا دا, ەلدى مەكەن­دەردە دە جۇرگىزىلۋ ۇستىندە. ولاردىڭ ءبىر بولىگى اپاتتى جاع­دايداعى مەكتەپتەردى الماس­تى­رادى.

بۇعان قوسا ەلوردادا 67 642 بالانى قامتيتىن 505 مەم­لەكەتتىك, جەكە جانە ۆە­دوم­ست­ۆولىق مەكتەپكە دەيىنگى ۇيىم­دار جۇمىس ىس­تەيتىنىن اتاپ وت­كەن ءجون. بۇل رەتتە قالالىق ءبى­لىم باسقارماسىنىڭ باسشى­سى قا­سىمحان سەنعازىەۆ بالاباق­شا­لارداعى ورىنداردىڭ سانى تۋرالى مالىمەتتەردى العا تارتتى.

ونىڭ ايتۋىنشا, بۇگىنگى تاڭ­دا «ينديگو» ەلەكتروندى پورتالىندا كەزەككە 60 971 مەكتەپ جاسىنا دەيىنگى بالا تىركەلگەن, ونىڭ ىشىندە ەكى جاستان التى جاسقا دەيىنگى بالالار سانى – 41 818.

سونداي-اق مەملەكەتتىك ءبىلىم بەرۋ تاپسىرىسىن جەكە بالا­باقشالاردا ورنالاستىرۋعا 10 317 ورىن قاراستىرىلعان. ونىڭ ىشىندە قاڭتاردان ساۋىرگە دەيىن مەم­لەكەتتىك تاپسىرىس 8 957 ورىندىق 200 جەكەمەنشىك مەكتەپكە دەيىنگى ۇيىمدا ورنالاستىرىلدى. بيىل قىركۇيەك ايىندا قالعان 1 360 ورىنعا كونكۋرس وتكىزۋ جوسپارلانعان.

«بيىل جۇمىس ىستەپ تۇرعان 500 ورىندىق مەكتەپكە دەيىنگى ۇيىمنىڭ جانىنان تۇرعىن ءۇي كەشەندەرىنىڭ ءبىرىنشى قابات­تا­رىندا قوسىمشا كورپۋستار اشۋ جوسپارلانىپ وتىر. 2023 جىلى 17 تامىزدان باستاپ استانا قا­لاسىنىڭ مەكتەپكە دەيىنگى ۇيىم­دارىنىڭ توپتارىن جاڭا 2023-2024 وقۋ جىلىنا جاساقتاۋ اياق­تالادى. بۇدان ءارى وقۋ جىلى ىشىن­دە كۇن سايىن جاساقتاۋ ورىنداردى بوساتۋ كە­زىندە جۇزەگە اسىرىلادى», دەدى ق.سەنعازىەۆ.

«ينديگو» پورتالىنىڭ مالى­مە­تىنشە, استانالىقتار بالاباق­شاعا 22 190 جولداما الدى, ونىڭ 13 157-ءسى – مەملەكەتتىك.

قىركۇيەك ايىنان باستاپ حا­لىق­تىڭ الەۋمەتتىك وسال توپ­تارى­نان شىققان بالالار استا­نا­نىڭ بالاباقشالارىندا تەگىن تاماق­پەن قامتاماسىز ەتىلەدى. سونى­مەن قاتار جاڭا وقۋ جىلىنىڭ با­سىندا مەكتەپكە دەيىنگى مە­كە­مەلەر­ تاربيەشىلەرىنىڭ جالاقى­سى ­30%-عا وسەدى.