وقۋشىلاردى تەگىن تاماقتاندىرادى

ماسەلەن, 2023 جىلعا ارنال­عان رەسپۋبليكالىق بيۋدجەتكە تۇزە­تۋ ەنگىزۋ كەزەڭىندە ينتەرنات­تا تۇر­مايتىن 1-4 سىنىپ وقۋشىلارىن تا­ماق­تاندىرۋعا 84 ملن تەڭگەدەن استام قاراجات قاراستىرىلدى. مادە­نيەت جانە سپورت مي­نيسترلىگىنە باعى­نىستى ەكى مەكتەپكە 37 ملن تەڭگە بولىنەدى. اتاپ ايتقاندا, ك.باي­سەيى­توۆا اتىنداعى دارىندى بالا­لارعا ارنالعان رممومي (23,2 ملن تەڭگە) جانە ا.جۇبانوۆ اتىن­داعى دارىندى بالا­لار­عا ارنال­عان رقمممي-گە (13,8 ملن تەڭگە).

قازىرگى ۋاقىتتا ينتەرناتتا تۇ­راتىن وسى مەكتەپتەردىڭ 340 وقۋ­شىسى بەس مەزگىل تەگىن تاماقپەن قام­تاماسىز ەتىلەدى: ا.جۇبانوۆ اتىن­داعى دارىندى بالالارعا ارنال­عان رقمممي - 230 بالا جانە ك.باي­سەيىتوۆا اتىنداعى دارىندى بالالارعا ارنالعان رممومي – 110 بالا.

1-4 سىنىپتارداعى بالالاردىڭ ىستىق تاماعىنا 47,2 ملن تەڭگەنى ەكى جوعارى جانە جوعارى وقۋ ور­نىنان كەيىنگى ءبىلىم بەرۋ ۇيىمدارى جانىنداعى مەكتەپتەر دە الادى. بۇل قازاق ۇلتتىق حورەوگرافيا اكادەميا­سى جانىنداعى دارىندى بالالارعا ارنالعان مامانداندىرىلعان مەكتەپ (20,2 ملن تەڭگە) جانە قازاق ۇلتتىق ونەر ۋنيۆەرسيتەتى جانىنداعى دارىندى بالالارعا ارنالعان مامان­داندىرىلعان مەكتەپ-ينتەرنات (27 ملن تەڭگە).

«جاس دارىنداردى قولداۋ – ءبىزدىڭ مينيسترلىك ءۇشىن ماڭىزدى جۇمىس باعىتى. ارينە, مەكتەپتەردى قولداۋ بالالارعا تەگىن تاماق بەرۋ ارقىلى عانا ەمەس, سونىمەن قاتار جاڭا قۇ­رالداردى ساتىپ الۋ, مۇعالىمدەرگە قوسىمشا تولەمدەر جانە باسقا دا شارالار ارقىلى جۇزەگە اسىرىلادى. كوكتەمدە مينيستر اسحات ورالوۆ الماتىنىڭ بىرقاتار شىعارماشىلىق وقۋ ورىندارىنا بارىپ, ناتيجەسىندە ولارعا 258 ملن تەڭگە ءبولۋ تۋرالى, شەشىم قابىلداندى. ك.بايسەيىتوۆا جانە ا.جۇبانوۆ اتىن­داعى دارىندى بالالارعا ارنالعان مەكتەپ-ينتەرناتتارىنا 161 ملن تەڭگە ءبولىندى. ونىڭ ىشىندە وقۋشى­لاردى ىستىق تاماقپەن قامتۋ دا قاراس­تى­رىلدى», دەدى مادەنيەت جانە سپورت ۆيتسە-ءمينيسترى ارمان جۇدەباەۆ.