فوتو: Tengrinews.kz
اپەللياتسيالىق القا بورانباەۆتىڭ, سونداي-اق رومان ناحانوۆ پەن تايىر جانۇزاقتىڭ ءىسىن قايتا قارادى.
سوت وتىرىسى بارىسىندا قايرات بورانباەۆ ءوز كىناسىن مويىندايتىنىن ايتتى.
بورانباەۆتىڭ ءىسى وتكەن جىلدىڭ جەلتوقسان ايىندا تەرگەلە باستاعان.
ەسكە سالا كەتسەك, وسى جىلدىڭ 31 ناۋرىزىندا قايرات بورانباەۆتىڭ ۇكىمى جاريالاندى. سوت شەشىمىنە سايكەس ول كىنالى دەپ تانىلدى. دالىرەك ايتقاندا, بورانباەۆتىڭ مال-مۇلكى تاركىلەنىپ, ءوزى 8 جىلعا باس بوستاندىعىنان ايىرىلدى.
ودان بولەك QazaqGaz باسقارما توراعاسىنىڭ بۇرىنعى ورىنباسارى تايىر جانۇزاق تا 8 جىلعا سوتتالىپ, ءومىر بويىنا مەملەكەتتىك قىزمەتتى اتقارۋ قۇقىعىنان ايىرىلدى. سوت ولاردى QazaqGaz ۇلتتىق كومپانياسىنا رەسەيلىك گازدى قايتا ساتۋ كەزىندە 14,5 ميلليارد تەڭگە جىمقىرۋ ءىسى بويىنشا كىنالى دەپ تاپقان.
كەيىن استانا قالالىق قىلمىستىق ىستەر جونىندەگى سوت القاسى قايرات بورانباەۆقا قاتىستى الدىندا شىعارىلعان سوت ۇكىمىنىڭ كۇشىن جويعانى بەلگىلى بولدى. بۇعان رەسەي گازىنىڭ باعاسى تۋرالى اقپاراتتى قامتيتىن قۇجاتتىڭ تۇپنۇسقاسىنىڭ بولماۋى سەبەپ بولعان.
