باق وكىلدەرىمەن كەزدەسۋ بارىسىندا وبلىستىق «Amanat» پارتياسى دەپۋتاتتىق فراكتسياسىنىڭ اتقارعان جۇمىستارى, سايلاۋالدى باعدارلامانىڭ ورىندالۋى جايى باياندالدى. ايماقتا اتالعان پارتيانىڭ 10 فيليالى (1 وڭىرلىك, 9 اۋماقتىق), 137 باستاۋىش پارتيا ۇيىمى جۇمىس ىستەيدى, ولاردىڭ قۇرامىندا 23 708 پارتيا مۇشەسى بار.
بۇگىنگى تاڭدا وڭىرلىك جول كارتاسىنا پارتيانىڭ الدىن الا مىندەتتەمەلەرىن ىسكە اسىرۋعا باعىتتالعان 157 ءىس-شارا ەنگىزىلگەن. شاعانگۇل الدامجارقىزى فراكتسيانىڭ ءاربىر مۇشەسى جول كارتانىڭ ورىندالۋىن ءجىتى باقىلاۋىنا العانىن اتاپ ءوتتى.
«باستى ماقساتىمىز – «Amanat» پارتياسىنىڭ 2023-2027 جىلدارعا ارنالعان «حالىقپەن بىرگە!» سايلاۋالدى باعدارلاماسىن جۇزەگە اسىرۋ. باعدارلاماعا تۇيتكىلدى ماسەلەلەردى شەشەتىن, حالىقتىڭ جاعدايىن جاقسارتاتىن جۇيەلى ءىس-شارالار جوسپارى كىردى. اباي وبلىسى بويىنشا سايلاۋالدى باعدارلامانىڭ ورىندالۋىنا جۇرگىزىلگەن تالداۋعا سايكەس, 6 ايدا 157 ءىس-شارانىڭ ىشىندە – 4 (3%) ورىندالدى, ورىندالۋ ساتىسىندا – 92 (58,5%), ورىندالۋ مەرزىمى ءالى كەلمەگەن – 61 (39%) كورسەتتى. اتاپ ايتقاندا, سەمەي قالاسىنىڭ قاينار اۋىلىندا 200 ورىنعا ارنالعان دەنەشىنىقتىرۋ-ساۋىقتىرۋ كەشەنى, سەمەي قالاسىندا 150 ورىندىق مۇگەدەكتەرگە ارنالعان وڭالتۋ ورتالىعى ەنگىزىلدى. سونىمەن قاتار وبلىس ورتالىعىندا فوتوۆيدەوفيكساتسيا جانە بەينەاناليتيكا جۇيەسى قۇرىلىپ, 1 551 بەينەكامەرا ورناتىلدى. كوكپەكتى اۋدانىنداعى «كوكجايىق اۋىلىنداعى سۋ جەلىلەرىنىڭ قۇرىلىسى» نىسانى ەنگىزىلدى», دەيدى وبلىستىق ءماسليحات دەپۋتاتى ش.الدامجارقىزى.
بۇگىندە ىسكە اسىپ جاتقان بىرقاتار پارتيالىق جوبا بارىن دا اتاي كەتكەن ءجون. «Amanat» پارتياسىنىڭ «باقىتتى وتباسى», «ارداگەرلەردى ارداقتايىق», «كەدەرگىسىز كەلەشەك», «ۇلتتىق مۇرا», «ەڭبەك ادامى», «حالىققا كومەك» جانە تاعى دا باسقا جوبالار رەت-رەتىمەن ورىندالىپ كەلەدى. مىسالى, ەرەكشە قاجەتتىلىكتەرى بار ادامداردى جۇمىسپەن قامتۋ ماسەلەسىن شەشۋ ءۇشىن «كەدەرگىسىز كەلەشەك» جوباسى اياسىندا «جاستار پراكتيكاسى» جانە «العاشقى جۇمىس ورنى» باعدارلامالارى بويىنشا جوو تۇلەكتەرى جۇمىسقا ورنالاستىرىلدى, الەۋمەتتىك جانە كولىك ينفراقۇرىلىمى نىساندارىنىڭ قولجەتىمدىلىگىنە پارتيالىق مونيتورينگ جۇرگىزىلەدى.
«قازىرگى ۋاقىتتا پارتيا دەپۋتاتتارى پارتيانىڭ ورتالىق اپپاراتى مەن وڭىرلىك فيليالدارىنىڭ قىزمەتكەرلەرى, باستاۋىش پارتيا ۇيىمدارىنىڭ مۇشەلەرىمەن بىرلەسە وتىرىپ, «بالالاردى مەكتەپكە دايارلايىق!» اكتسياسىنا بەلسەنە قاتىسىپ كەلەدى. بۇل اكتسيا «باقىتتى وتباسى» پارتيالىق جوباسى اياسىندا وسىمەن 13 مارتە وتكىزىلىپ وتىر. اكتسيانىڭ ماقساتى – كوپبالالى جانە از قامتىلعان وتباسىلارداعى بالالاردى جاڭا وقۋ جىلىنا دايىنداۋعا كومەكتەسۋ. ءىس-شارا اياسىندا ۇرپاق بولاشاعىنا بەيجاي قاراي المايتىن ازاماتتار وقۋشىلارعا مەكتەپ فورماسى, وقۋلىقتار مەن قاجەتتى قۇرالدار سالىنعان ريۋكزاكتار تارتۋ ەتتى», دەيدى شاعانگۇل الدامجارقىزى.
