كەزدەسۋدە وتاندىق كينەماتوگرافيانى جانە جالپى مادەنيەت سالاسىن دامىتۋ ماسەلەلەرى تالقىلاندى.
ازامات ساتىبالدى پرەزيدەنتكە «قازاقفيلم» قىزمەتىندەگى تۇيتكىلدى ماسەلەلەر تۋرالى بايانداپ, كينوستۋديانىڭ ستاتۋسىن كوتەرۋگە قاتىستى ۇسىنىستارىن جەتكىزدى.
قاسىم-جومارت توقاەۆ:
«قازاقفيلمدە» زامانىندا وتاندىق كينو ونەرىنىڭ ءبىر شوعىر كورنەكتى وكىلدەرى ەڭبەك ەتكەنىن اتاپ ءوتتى;
كاسىبي كينوگەرلەرمەن قاتار, ۇلتتىق ينتەلليگەنتسيا, ازاماتتىق قوعام وكىلدەرىنىڭ, اعا بۋىن مەن جاستاردىڭ شىعارماشىلىق الەۋەتىن جۇمىلدىرا وتىرىپ, اتالعان سالانىڭ قوردالانعان پروبلەمالارىن كەشەندى ءارى دايەكتى تۇردە شەشۋ ماڭىزدى ەكەنىنە نازار اۋداردى;
كينو ءوندىرىسىن كرەاتيۆتى يندۋستريانىڭ جەكە سەكتورى رەتىندە قاراستىرۋ كەرەك ەكەنىن ايتتى.
مەملەكەت باسشىسى وتاندىق كينەماتوگرافيانى ودان ءارى دامىتۋ ماسەلەسى ايرىقشا باقىلاۋدا بولاتىنىن ءسوز ەتتى.
