اباي وبلىسى قۇرىلعالى بەرى 2022 جىلى 302 ادامعا قونىس اۋدارۋ وڭىرلىك كۆوتاسى بەكىتىلىپ, ول 100% تولىعىمەن ورىندالعان. وبلىس اكىمدىگى ۇسىنعان اقپاراتقا سايكەس, 2023 جىلى قانداستار مەن قونىس اۋدارۋشىلاردى قابىلداۋدىڭ وڭىرلىك كۆوتاسى 434 ادامدى قۇراپ, بۇل كۇندەرى 80 قانداس, 206 قونىس اۋدارۋشىلار كۆوتاعا ەنگەن.
ۇلتتىق جوبا اياسىندا قانداستار جانە ولاردىڭ وتباسى مۇشەلەرىنە مەملەكەتتىك سۋبسيديا تۇرىندە كەلەسى مەملەكەتتىك قولداۋلار كورسەتۋ كوزدەلگەن:
- كوشىپ كەلۋگە ءبىر رەتتىك 70 اەك (241 500 تەڭگە);
- تۇرعىن ءۇيدى جالداۋ (جالعا الۋ) جانە كوممۋنالدىق قىزمەتتەرگە اقى تولەۋ شىعىستارىن جابۋ ءۇشىن 15-30 اەك;
- تۇرعىن ءۇيدى ساتىپ الۋعا نەمەسە باسپانا قۇرىلىسىنا 4 ملن تەڭگە كولەمىندە سەرتيفيكات.
