پوليتسيانىڭ حابارلاۋىنشا, بۇل وقيعا 8 مامىردا بولعان. الەۋمەتتىك جەلىدە تاراعان ۆيدەودا ەر ادام ءفلوريستى قورلاپ, دۇكەننەن گۇل شوعىن الىپ كەتكەن. تۇران اۋداندىق پوليتسيا باسقارماسىنىڭ 102 ارناسىنا جانجال تۋرالى قوڭىراۋ تۇسكەن.
وقيعا ورنىنا ۋچاسكەلىك ينسپەكتورلار بارعان. الايدا دۇكەن يەسى ءمان-جايدى ناقتىلاۋ بارىسىندا ەشكىمگە شاعىمى جوق ەكەنىن ايتىپ, ارىز جازۋدان باس تارتقان.
بۇل جايتقا قاتىستى تۇران اۋداندىق پوليتسيا باسقارماسىندا قر قك-ءنىڭ 191-بابى 2-بولىگى 1-تارماعىمەن «جابiرلەنۋشiنiڭ ومiرiنە نە دەنساۋلىعىنا قاۋiپتi ەمەس كۇش قولدانىپ توناۋ» بويىنشا سوتقا دەيىنگى تەرگەۋ باستالعان.
«سونداي-اق ءىستىڭ اق-قاراسىن اجىراتۋ كەزىندە قارا فۋتبولكا كيگەن ازامات بيىلعى 19 مامىردا وتباسىلىق سەبەپتەرگە بايلانىستى ءوز وتىنىشىمەن ىشكى ىستەر ورگاندارىنان بوساتىلعان قاراتاۋ اۋداندىق پوليتسيا باسقارماسىنىڭ بۇرىنعى قىزمەتكەرى ەكەنى انىقتالدى. الەۋمەتتىك جەلىلەردە پروكۋروردىڭ ۇلى دوستارىمەن بىرگە شىمكەنت قالاسىنداعى گۇل دۇكەنىنە شابۋىل جاساعانى تۋرالى اقپارات تارادى. بۇل اقپارات شىندىققا سايكەس كەلمەيدى. 2023 جىلعى 9 تامىزدا شىمكەنت قالاسىنىڭ پروكۋراتۋراسى بۇل تۇلعانىڭ پروكۋراتۋرا ورگاندارىنا قانداي دا ءبىر قاتىسى جوق ەكەنىن, پروكۋراتۋرا قىزمەتكەرلەرىمەن تۋىستىق بايلانىسى جوق ەكەنىن رەسمي تۇردە حابارلادى», دەلىنگەن حابارلامادا.
