10 تامىز كۇنى تاڭەرتەڭ وتەتىن اباي ەسكەرتكىشىنە گۇل شوقتارىن قويۋ ءراسىمى استانادا مەرەكەنىڭ باستاماسى بولماق.
ساعات 10:00-دە جۋرناليستەر اللەياسىندا «الدىمدا اقىن اباي - تەمىرقازىق!» ادەبي كەزدەسۋ وتەدى.
ءبىر ساعاتتان كەيىن ۇلتتىق اكادەميالىق كىتاپحانادا «اباي الەمى» ءىس-شاراسى ۇيىمداستىرىلادى. وسى ۋاقىتتا №5 كىتاپحانادا وقىرماندار «اباي – جۇرەك قالاۋى, دانالىق بەلگىسى» ءىس-شاراسىندا باس قوسادى.
سول سياقتى بۇل كۇنى اباي وقۋلارىن ورتالىقتاندىرىلعان كىتاپحانالار جۇيەسى وتكىزەدى. ساعات 17:00-دە «جاستار» تەاترى اباي شىعارماشىلىعىنا ارنالعان ادەبي-مۋزىكالىق كەشكە شاقىرادى.
بۇل كۇنى اقكول قالاسىنداعى «ارمان بوروۆيچوك» بالالار ساۋىقتىرۋ ورتالىعىندا «اباي – دانا, اباي دارا قازاقتا» پوەتيكالىق كەشى وتەدى.
سونىمەن قاتار 10 تامىز كۇنى الەۋمەتتىك جەلىلەردە ەلوردادا تۇراتىن بارلىق ەتنوس وكىلدەرىنىڭ قاتىسۋىمەن ءبىلىم بەرۋ مەكەمەلەرى اراسىندا #مەنابايدىوقيمىن چەللەندجى وتەدى.
تۇران جانە قابانباي باتىر داڭعىلدارىنىڭ قيىلىسىنداعى الاڭدا ابايدىڭ 178 جىلدىعىنا وراي اقىننىڭ شىعارمالارىنا جازىلعان كۇيلەر ورىندالادى. قورعالجىن الاڭىندا «ادامزاتتىڭ الىبى – حاكىم اباي!» مۋزىكالىق-ادەبي كەش وتەدى.
سونىمەن قاتار كەشكى ساعات 18:00-دە م.وتەمىسوۆ اتىنداعى وقۋشىلار سارايىنىڭ عيماراتىندا «ابايدىڭ سوڭعى كۇندەرى» كينو كورسەتۋ ءىس-شاراسى ۇيىمداستىرىلادى.
