«سامۇرىق-قازىنا» اق-نىڭ 15 جىلدىعىنا وراي ۇيىمداستىرىلعان «تۋعان ەلگە ساياحات» جوباسى وتكەن جەكسەنبى كۇنى ءوز مارەسىنە جەتتى. ساياحاتقا نەگىزىنەن اتالعان كومپانيا توبىنىڭ وندىرىستىك كاسىپورىندارى قىزمەتكەرلەرىنىڭ بالالارى قاتىستى. ەلىمىزدىڭ ءار وڭىرىنەن جينالعان 600 بالانىڭ ساياحات پويىزى ءۇش كەزەڭنىڭ قورىتىندىسىندا 15 مىڭ شاقىرىمعا جۋىق جولدى ءجۇرىپ بايقوڭىر, بۋراباي, تۇركىستان, الماتى, الاكول, استانا جانە اقتاۋ سەكىلدى وڭىرلەردى قامتىعان.
ودان كەيىن قور وكىلدەرى جوبانىڭ ءۇشىنشى كەزەڭىندەگى 200 بالامەن جۇزدەستى. ءوز كەزەگىندە, بۇل كۇنى اسەرلى ساپاردان ورالعان جاس ساياحاتشىلار تۋعان ەلىنىڭ بارلىق ادەمى, كوركەم ءارى كورىكتى جەرلەرىندە بولدى. بارعان قالالارى مەن كەڭ دالانىڭ تاريحىنا بويلاپ, كوپ تاعىلىم الدى. وعان قوسا ءبىر-بىرىمەن دوستاسىپ, جاڭا دوستار تابۋعا مۇمكىندىك الدى. بالالارمەن ساياحاتتا بىرگە بولعان ۇستازدار مەن تالىمگەرلەردەن قوسىمشا مول ءبىلىم الۋعا جاعداي جاسالدى. بالالار وسىنداي كەرەمەت ساياحات ۇيىمداستىرىپ, بىلىمدەرىن تولىقتىرىپ, ەل مەن جەر كورىپ, تاريحي ورىنداردى كورىپ, تانىمدارىن تەرەڭدەتۋگە مۇمكىندىك بەرگەنى ءۇشىن قور جەتەكشىلەرىنە العىس ءبىلدىردى.
«سامۇرىق-قازىنا» اق كومپانيالار توبى اتىنان جوبانىڭ باس سەرىكتەسى – «Samruk-Kazyna Trust» الەۋمەتتىك جوبالاردى دامىتۋ قورىنىڭ باس ديرەكتورى ءالفيا اديەۆا ءوزىنىڭ قۇتتىقتاۋ سوزىندە قايىرىمدىلىق وپەراتورىنىڭ قىزمەتىندە ەلىمىزدىڭ الەۋمەتتىك-ەكونوميكالىق دامۋىنا, ونىڭ ىشىندە بالالاردى قولداۋعا ەرەكشە نازار اۋدارىلاتىنىن ايتتى.
ء«بىز جولدا دا, بارلىق ايالداعان قالالارىمىزدا دا ۋاقىتتى وتە جاقسى وتكىزدىك, ءبارى كەرەمەت! پويىزداعى ۇيىرمەلەردە كۇن سايىن جاڭا نارسە ءبىلىپ, تالىمگەرلەرمەن ويىن وينادىق. وعان قوسا اعىلشىن ءتىلىن مەڭگەرىپ, دومبىرا تارتتىق. ال وڭىرلەردە ءبىزدى قىزىقتى ساياحاتتار مەن ويىن-ساۋىقتار كۇتىپ تۇردى. بۇل مەنىڭ ومىرىمدەگى ەڭ جاقسى دەمالىس ساياحاتى بولدى!» دەگەن ويىمەن ءبولىستى شىمكەنت قالاسىنان قاتىسقان ورازحان مۇراتبەك.
تۋريستىك پويىزدىڭ ءار ءۇش كەزەڭىندە 18 مامان (پەداگوگ, پسيحولوگ, انيماتور, مەدبيكە) جۇمىسقا تارتىلدى. جوبا «سامۇرىق-قازىنا» اق كومپانيالار توبى اتىنان قايىرىمدىلىقتىڭ بىرىڭعاي وپەراتورى «Samruk-Kazyna Trust» قورىنىڭ قارجىلاندىرۋىمەن جانە الەۋمەتتىك جوبالار قورىنىڭ ۇيىمداستىرۋىمەن جۇزەگە اسقان.
