اكتسيا 30 قىركۇيەككە دەيىن جوسپارلانعان. بيىلعى اكتسيا «جاقسىلىقتى جاسا!» ۇرانىمەن باستالدى.
«ماتەريالدىق كومەكتى كوپبالالى وتباسىلار, جەتىم بالالار جانە اتا-اناسىنىڭ قامقورلىعىنسىز قالعان بالالار قاتارىنداعى ءبىلىم الۋشىلار الا الادى. ەگەر وتباسى اتالعان ساناتتارعا جاتاتىن بولسا, وندا بالالاردىڭ اتا-انالارى مەكتەپكە راستايتىن قۇجاتتاردى ۇسىنۋى كەرەك. قانداي قۇجاتتاردى تاپسىرۋ كەرەكتىگى تۋرالى اقپاراتتى مەكتەپتەر ۇسىنادى», دەدى باسقارما باسشىسى.
ازاماتتاردىڭ وتىنىشتەرىنە جەدەل ارەكەت ەتۋ ءۇشىن ءبىلىم بەرۋ ۇيىمدارىندا «جەدەل جەلى», «سەنىم» تەلەفوندارى (55 69 60, 55 68 51) جانە قوعامدىق قابىلداۋ بولمەلەرى جۇمىس ىستەيدى.
5 تامىزدان باستاپ قالانىڭ بارلىق اۋداندارىندا بالالاردى مەكتەپكە دايىنداۋ ءۇشىن جارمەڭكەلەر ۇيىمداستىرىلادى دەپ جوسپارلانىپ وتىر:
بايقوڭىر اۋدانىندا - ايماقتاۋ ساۋدا ورتالىعى;
نۇرا اۋدانىندا - تسيرك تۇراعى;
سارىارقا اۋدانىندا - قوسشىعۇل ۇلى كوشەسى, 14 ءۇي;
الماتى اۋدانىندا - ابىلاي حان كوشەسى, 20 ءۇي;
ەسىل اۋدانىندا - «KIDS EXPO. EXPO حالىقارالىق كورمە ورتالىعى».
مەكتەپ جارمەڭكەسى تامىز ايىنىڭ دەمالىس كۇندەرى وتكىزىلەدى. قازىرگى ۋاقىتتا دايىندىق ءجۇرىپ جاتىر.
