«بىزدە جالپىعا ورتاق دەكلاراتسيالاۋ بىرنەشە كەزەڭدە جۇزەگە اسادى. ول 2025 جىلى تولىق اياقتالادى. ءبىز سول دۇرىس بولادى دەپ شەشتىك. ويتكەنى مەملەكەتتىك قىزمەتشىلەردىڭ تۋىستارى بار. قانداي دا ءبىر م ۇلىك دۇرىس راسىمدەلمەگەن شىعار. مۇنىڭ ءبارىن 2025 جىلى انىقتايمىز. جالپى, جاعداي بەلگىلى بولادى. كىمدە قانداي م ۇلىك جازىلعانىن بىلەمىز», دەدى مينيستر.
ونىڭ ايتۋىنشا, م ۇلىكتى راسىمدەۋ دەرەكتەرى مەملەكەتتىك قىزمەتشىلەرگە دە, كاسىپكەرلەرگە دە قاتىستى بىردەي جۇرگىزىلمەك. سونداي-اق ول جالپىعا ورتاق دەلاراتسيالاۋ راسىمدەرى ءۇردىسى تولىق جولعا قويىلعاننان كەيىن ءوز مۇلكىن دەكلاراتسيالامايتىن جانە سالىق تولەمەيتىن ادامدارعا ءتيىستى شارا قولدانىلاتىنىن جەتكىزدى.
ايتا كەتەيىك, تاياۋ كۇندەرى نورماتيۆتىك-قۇقىقتىق اكتىلەر پورتالىندا جاريالانعان ۇكىمەت قاۋلىسىندا «قايتارىلعان اكتيۆتەردى باسقارۋ جونىندەگى كومپانيا» جاۋاپكەرشىلىگى شەكتەۋلى سەرىكتەستىگى قۇرىلاتىنى بەلگىلى بولعان ەدى.
«جارعى كاپيتالىندا مەملەكەتتىڭ ءجۇز پايىز قاتىسۋىمەن «قايتارىلعان اكتيۆتەردى باسقارۋ جونىندەگى كومپانيا» جاۋاپكەرشىلىگى شەكتەۋلى سەرىكتەستىگى قۇرىلسىن. «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» زاڭدا جانە قازاقستان رەسپۋبليكاسىنىڭ باسقا دا زاڭدارىندا, نورماتيۆتىك قۇقىقتىق اكتىلەرىندە بەلگىلەنگەن تارتىپپەن قايتارىلعان اكتيۆتەردى باسقارۋ, ساقتالۋىن قامتاماسىز ەتۋ, وتكىزۋ سەرىكتەستىكتىڭ نەگىزگى ماقساتتارى بولىپ ايقىندالسىن. سەرىكتەستىكتىڭ جارعىلىق كاپيتالى وسى قاۋلىعا قوسىمشاعا سايكەس قارجى مينيسترلىگىنىڭ مەملەكەتتىك م ۇلىك جانە جەكەشەلەندىرۋ كوميتەتىنىڭ تەڭگەرىمىندەگى م ۇلىكتى بەرۋ جولىمەن قالىپتاستىرىلسىن», دەلىنگەن اشىق قاۋلىدا.
باسقارۋشى كومپانيانىڭ مىندەتتەرى – مەملەكەتكە قايتارىلعان اكتيۆتەردى ونىڭ اتىنان مەنشىگىنە قابىلداۋ, مەملەكەت كىرىسىنە اينالدىرىلعان اكتيۆتەردىڭ ساقتالۋىن جانە ۇستالۋىن قامتاماسىز ەتۋ, اكتيۆتەرگە بيلىك ەتۋ, اكتيۆتەردى وتكىزۋدەن تۇسكەن قاراجاتتى ارناۋلى مەملەكەتتىك قورعا اۋدارۋدى قامتاماسىز ەتۋ.
