فوتو: kaztransgas_aimak ينستاگرام
تۇركىستان وبلىستىق ەنەرگەتيكا جانە تۇكش باسقارماسى باسشىسىنىڭ ورىنباسارى روزا ساريەۆا, كەلەس اۋدانىنىڭ اكىمى جانىبەك اعىباەۆ, باق وكىلدەرى مەن اۋىل تۇرعىندارى قاتىسقان گاز جەتكىزۋ سالتاناتىندا «قازترانسگاز ايماق» اق باس ديرەكتورى باۋىرجان اسقاروۆ گاز ماماندارىنىڭ باستى مىندەتى – ءار شاڭىراققا جىلۋ مەن قۋانىش سىيلاۋ ەكەنىن اتاپ ءوتتى.
«QazaqGaz» ۇلتتىق كومپانياسىنىڭ ەنشىلەس كاسىپورنى – «قازترانسگاز ايماق» اق تۇركىستان وبلىسىنداعى كەلەس اۋدانىنىڭ بايتەرەك جانە جامبىل-2 ەلدى مەكەندەرىن تابيعي گازعا قوستى.
تابيعي گازدى بۇل اۋىلدارعا جەتكىزۋ ءۇشىن عاني مۇراتباەۆ اتىنداعى گاز تاراتۋ ستانتسياسىنان (گتس) 25 شاقىرىمنان اسا گاز قۇبىرى توسەلدى, سونىڭ ارقاسىندا 544 تۇرعىن ءۇيدى تابيعي گازعا قوسۋ مۇمكىندىگى تۋدى.
گاز ماماندارى تۇتىنۋشىلارعا قاۋىپسىزدىك شارالارىن ساقتاۋ جانە گازدى ۇنەمدى پايدالانۋ ەرەجەلەرى جازىلعان ەسكەرتۋ پاراقشالارىن تاراتتى.
