جاقىندا ءبىر توپ وقۋشى «ماڭگى ءتىرى سۋ» جازعى قارقىندى كۋرسىنان ءتالىم الدى. وقۋشىلار قوسىمشا ءبىلىم جەتىلدىرىپ قانا قويماي, تابيعي سۋسابىندى جاساپ شىعاردى. سۋسابىننىڭ اۆتورلارى – ارۋجان ابدۋلعازيەۆا, ءبيبىنۇر عابدىجان جانە ءۋاليتحان باتىرباەۆ.
عىلىمعا دەن قويعان جاس ورەندەردىڭ تابيعي ءونىمىنىڭ قۇرامىندا سۋلفات, حلوريت سەكىلدى حيميالىق قوسپالار جوق. سول سەبەپتەن وعان Eco-way دەگەن اتاۋ بەرىلگەن.
«كۇندەلىكتى تۇتىنۋعا بولاتىن امبەباپ سۋسابىن قۇرامىندا تابيعي قوسپالار مەن ورگانيكالىق زاتتار بار. ءبىزدىڭ سۋسابىن شاشتى نارلەندىرەدى, قايىزعاقتان تازارتادى. ءوزىمىز جاساپ شىعارعان سۋسابىندى ءوزىم قولدانىپ ءجۇرمىن», دەيدى ءۋاليتحان باتىرباەۆ.
«ماڭگى ءتىرى سۋ» جازعى قارقىندى كۋرسىنىڭ ترەنەرى اسەل وڭداشەۆانىڭ ايتۋىنشا, وقۋشىلار جاساپ شىعارعان ەكوسۋسابىن زياندى ەمەس. سوندىقتان ونى كىشكەنتاي بالالاردى جۋىندىرۋعا پايدالانۋعا بولادى.
«بۇگىنگى نارىقتا سۋسابىننىڭ ءتۇرى كوپ. بىراق سۋسابىندار قۇرامىنداعى سۋلفاتتار اللەرگيا تۋعىزىپ, شاشتىڭ تۇسۋىنە اسەر ەتۋى مۇمكىن. مۇنى كوپشىلىك ەسكەرە بەرمەيدى. ال اتىراۋلىق وقۋشىلار جاساپ شىعارعان سۋسابىننىڭ قۇرامىندا سۋلفات جوق. ادامنىڭ كوزىن اشىتپايدى. ەندى جوبانى ءالى دە جەتىلدىرۋدى ويلاستىرىپ وتىرمىز», دەيدى اسەل وڭداشەۆا.
