العاشقى كۇنى ولار شىڭعىستايعا بارىپ, اۋىل كورىنىستەرىن بەينەلەدى. بۇقتىرما جاعاسىنا جايعاسقان شەبەرلەر كەرىلگەن كەنەپكە بەرىلە وتىرىپ ەتيۋد جازعاندا, كەشتىڭ قالاي باتقانىن بايقاماعان. مايلى بوياۋمەن جازىلعان ءار سۋرەت وزىنشە ەرەكشە. پاليترا بەتىندە ويناقتاعان ءتۇرلى بوياۋدى كەنەپكە تۇسىرگەن سايىن اۋىلدىڭ تىنىس-تىرشىلىگى كوز الدىمىزعا كەلە بەردى. ەتيۋدتەردەگى جاداۋ ۇيلەرگە قاراپ, جانىڭ جابىرقاسا, جاڭا قۇرىلىستارعا ىشتەي قۋاناسىڭ.
«ورالحاننىڭ اۋىلىندا ەتيۋد جازۋ باقىتى بۇيىردى بىزگە. الايدا ورالحاننىڭ باعاسىنا ءالى دە جەتە الماي جاتقان سەكىلدىمىز. اسىرەسە اۋىلداستارى ونىڭ اتىن اسقاقتاتۋعا ءتيىس», دەيدى بەلگىلى سۋرەتشى ادىلعالي باياندين.
پلەنەردىڭ ەكىنشى كۇنىندە قوبديشالارىن ارقالاعان ونەر يەلەرى بەرەلدى, ساقتار مەن تۇركىلەردىڭ مەكەنىن بەتكە الدى. تاريحي تامىرى تەرەڭ, تابيعاتى كوركەم جەرگە تامسانعان كەيبىر سۋرەتشىلەر شابىتتانىپ, ەكى-ءۇش ەتيۋدتەن جازىپ ۇلگەردى. جالپى, ءۇش كۇن بولعان پلەنەردە قۇداش نۇرسادىقوۆ, ادىلعالي باياندين, گۇلنار ميعراجقىزى, باقىتنۇر بۇردەسبەكوۆ, رادا بەيسەنوۆا, اباي چۋنچالينوۆ سىندى بەلگىلى سۋرەتشىلەرمەن قاتار, قۋانىش ادىلبەك, ەركەبۇلان جاكىشەۆ, ءمادي قايىرحان, ءماديحان قالماحانوۆ, ادىلەت نيزيابەكوۆ, ەسبول نۇرسادىقوۆتاي جاس سۋرەتشىلەر ۇزىن سانى وتىز شاقتى ەتيۋد جازىپ تاستادى. ءار سۋرەتشى ءبىر-ءبىر ەتيۋدتەرى مەن ورالحان بوكەيدىڭ 80 جىلدىعىنا وراي جازعان كارتينالارىن اۋدان قورىنا تابىستادى. وزدەرىمەن الا كەلگەن كارتينالارىن دا بىرەگەي تۋىندى دەۋگە بولادى. جازۋشى شىعارمالارىنىڭ جەلىسى بويىنشا سالىنعان كارتينالارعا تەرەڭ ءۇڭىلىپ, وي تۇيۋگە بولادى. ماسەلەن, «اتاۋ كەرە» پوۆەسىنە جازىلعان اباي چۋنچالينوۆتىڭ پولوتنوسىندا كەيىپكەرلەردىڭ پسيحولوگياسى انىق بەرىلگەن.
شىعارماشىلىق ءىس-شارادان سوڭ تابيعات اياسىندا ء«ور التاي بوياۋلارى» اتتى كورمە ۇيىمداستىرىلىپ, قىلقالام شەبەرلەرىنە العىسحات پەن اقشالاي سىيلىقتار تابىستالدى. ايتا كەتەرلىگى, پلەنەر كاتونقاراعايلىق جاس سۋرەتشى قۋانىش ادىلبەكتىڭ ۇسىنىسىمەن, اۋدان اكىمدىگىنىڭ قولداۋىمەن ءوتتى. ونەرگە دەمەۋشىلىك جاساعان جەرگىلىكتى كاسىپكەر, مەتسەنات سەرىك تولىقباەۆقا, اۋدان باسشىلىعىنا قىلقالام شەبەرلەرى ريزاشىلىقتارىن ءبىلدىرىپ, تابيعاتتا جازىلعان ەتيۋدتەرىن ەستەلىك رەتىندە سىيعا تارتتى. ءىس-شارا سوڭىندا كاسىپكەر ازامات س.تولىقباەۆ سالماعى بار تانىمدىق ءىس-شارالارعا ارقاشان قولداۋ كورسەتەتىنىن جەتكىزدى.
