NASPAA – مەملەكەتتىك باسقارۋ سالاسىنداعى ءبىلىم بەرۋدىڭ حالىقارالىق قاۋىمداستىعى – مەملەكەتتىك جانە مۋنيتسيپالدىق باسقارۋداعى ماگيسترلىك باعدارلامالاردى اككرەديتتەۋ سالاسىنداعى بايىرعى بىرلەستىكتەردىڭ ءبىرى. بۇل مەملەكەتتىك باسقارۋ سالاسىنداعى جالپى تانىلعان ءبىلىم ستاندارتى.
وسىنداي تاماشا جەتىستىك نازارباەۆ ۋنيۆەرسيتەتى جوعارى مەملەكەتتىك ساياسات مەكتەبىنىڭ ەلىمىزدىڭ جانە ايماقتىڭ مەملەكەتتىك ساياسات پەن باسقارۋ سالاسى بويىنشا ءبىلىم بەرۋدەگى كوشباسشى رەتىندەگى ۇستانىمىن ودان ءارى نىعايتا تۇسەدى.
NASPAA-نىڭ اككرەديتتەۋى – اتالعان جوعارى وقۋ ورنىنىڭ ستۋدەنتتەرىنە كوپتەگەن ارتىقشىلىق بەرەدى. ءبىر جاعىنان, بۇل – حالىقارالىق ستاندارتتارعا ساي ساپالى ءبىلىم الۋعا كەپىلدىك. قۇزىرەتتىلىكتى NASPAA-مەن سايكەستەندىرۋ NU GSPP تۇلەكتەرىنىڭ تالداۋ, سينتەز, سىني ويلاۋ, ماسەلەلەردى شەشۋ, دالەلدى شەشىم قابىلداۋ, ءتيىمدى كوممۋنيكاتسيا جانە قوعام مۇددەسى ءۇشىن قاجەتتى داعدىلار مەن بىلىمگە يە بولۋىن قامتاماسىز ەتەدى.
نازارباەۆ ۋنيۆەرسيتەتى جوعارى مەملەكەتتىك ساياسات مەكتەبىنىڭ نەگىزگى ستراتەگيالىق سەرىكتەسى, سينگاپۋر ۇلتتىق ۋنيۆەرسيتەتىنىڭ لي كۋان يۋ مەملەكەتتىك ساياسات مەكتەبىمەن بىرلەسىپ ازىرلەنگەن. سينگاپۋرعا تاجىريبەلىك ءبىلىم بەرۋ ساپارىن قامتيتىن وقۋ باعدارلاماسى ماگيسترانتتاردى تابىستى مانساپقا دايىنداپ, قوعامداعى وزگەرىستەرگە ءتيىمدى اسەر ەتەدى.
سونداي-اق 2019 جىلى نازارباەۆ ۋنيۆەرسيتەتى جوعارى مەملەكەتتىك ساياسات مەكتەبىنىڭ ماگيسترلىك باعدارلامالارى EAPAA – مەملەكەتتىك باسقارۋ باعدارلامالارىن اككرەديتتەۋ جونىندەگى ەۋروپالىق قاۋىمداستىعىنىڭ تولىق اككرەديتاتسياسىن العان بولاتىن
– ءبىز NASPAA مەن EAPAA-نىڭ تولىق اككرەديتتەۋىنەن وتكەن ەكى ماگيسترلىك باعدارلاماسى بار الەمدەگى جالعىز وقۋ ورنى بولعانىمىزدى ماقتان تۇتامىز. بۇل ەرەكشەلىك ءبىزدىڭ باعدارلامالارىمىزدىڭ جوعارى ساپاسى مەن جاۋاپكەرشىلىگىن كورسەتەدى. NASPAA-نىڭ اككرەديتتەۋىنىڭ ارقاسىندا ءبىز قازاقستاننان جانە باسقا ەلدەردەن مەملەكەتتىك قىزمەتكەرلەرىن تارتامىز دەپ ۇمىتتەنەمىز, – دەدى مەكتەپ دەكانى ۆەنگ تات حۋەي مىرزا.
نازارباەۆ ۋنيۆەرسيتەتىنىڭ جوعارى مەملەكەتتىك ساياسات مەكتەبى مەملەكەتتىك ساياسات پەن باسقارۋ سالاسىندا جوعارى ساپالى ءبىلىم بەرۋدى ماقسات تۇتقان ورتالىق ازياداعى جەتەكشى مەملەكەتتىك ساياسات مەكتەبى سانالادى. ول 2012 جىلى اشىلعاننان باستاپ, سينگاپۋر ۇلتتىق ۋنيۆەرسيتەتىنىڭ لي كۋان يۋ مەملەكەتتىك ساياسات مەكتەبىمەن سەنىمدى ستراتەگيالىق ارىپتەستىك ورناتقان. NU GSPP-ءنىڭ ورتالىق ازياداعى تاڭداۋلى مەملەكەتتىك ساياسات مەكتەبى رەتىندە ورنىعۋى ءۇشىن دە اۋقىمدى جۇمىس ىستەپ جاتىر. بۇگىندە جوعارى مەملەكەتتىك ساياسات مەكتەبى ءبىلىم بەرۋ بارىسىندا ورتالىق ازياداعى يننوۆاتسيالىق جانە وزىق ماگيستراتۋرا باعدارلامالارىن ۇسىنۋ ءۇشىن عىلىمي زەرتتەۋلەردى قامتيدى.
