فوتو: اقتوبە وبلىسى اكىمدىگىنىڭ ءباسپاسوز قىزمەتى
اقتوبەدە ءابىش كەكىلباي ۇلى اتىنداعى №72 IT مەكتەپ-ليتسەيىندە پيلوتتىق رەجيمدە بالالار مەن پەداگوگتەرگە ارنالعان مەكتەپكە بيومەتريا ارقىلى كىرۋ ەنگىزىلدى. بۇل جونىندە Halyq Uni سايتى حابار تاراتتى.
جوبا ەلىمىزدە العاش رەت ىسكە اسىرىلدى. Alaqan مektep جۇيەسى يدەنتيفيكاتور رەتىندە الاقان تامىرلارىنىڭ بيومەترياسىنا نەگىزدەلگەن, ول ساۋساق ىزىمەن سالىستىرعاندا كۇردەلىرەك جانە وزىندىك ەرەكشەلىكتەرى بار.
وبلىس اكىمى ەرالى توعجانوۆ جۇيەنىڭ جۇمىس ىستەۋ بارىسىمەن جانە ونىڭ ارتىقشىلىقتارىمەن تانىستى. مەكتەپ-ليتسەي وكىلدەرىنىڭ ايتۋىنشا, Alaqan Mektep – ءبىلىم بەرۋ ۇيىمدارىندا قاۋىپسىزدىكتى قامتاماسىز ەتەتىن جانە وقۋ پروتسەسىن تسيفرلاندىرۋعا مۇمكىندىك بەرەتىن بىرىڭعاي ەكوجۇيە.
وقۋشىلار الاقاندى سەنسورعا قويۋ ارقىلى كىتاپحانادان كىتاپتار الىپ-تاپسىرا الادى جانە اسحانادا تولەم جاساي الادى. ال اتا-انالار بالالارىنىڭ مەكتەپتەن كەلۋ-كەتۋ ۋاقىتىن بىلە الادى, سونىمەن قاتار ءموبيلدى قوسىمشا ارقىلى بالالارىنىڭ اسحاناداعى ءمازىرى مەن شىعىندارىن باقىلاي الادى.
سونداي-اق Alaqan Mektep كومەگىمەن كىتاپحانا جۇمىسىن اۆتوماتتاندىرۋ ارقىلى ونىڭ قىزمەتىن جاڭا دەڭگەيگە شىعارۋعا, سوعان قوسا مەكتەپتەر اراسىنداعى كىتاپتار قوزعالىسىنىڭ پروتسەستەرىن تسيفرلاندىرا وتىرىپ, وڭىردەگى بارلىق مەكتەپتەردىڭ بىرىڭعاي كىتاپ قورىن قۇرۋعا مۇمكىندىك بەرەدى.
«قولايلى جانە قاۋىپسىز ورتانى قالىپتاستىرۋ ءبىلىم بەرۋ نىساندارىندا باسىم مىندەتتەردىڭ قاتارىندا. جوبانىڭ ءتيىمدى جۇزەگە اسۋى ناتيجەسىندە ونىڭ اۋقىمىن كەڭەيتۋ ماسەلەسى قاراستىرىلادى», دەدى وبلىس اكىمى.
