بۇل جوباعا قاتىسۋعا 6 مىڭنان استام ۇمىتكەر ءوتىنىم بەرگەن. سولاردىڭ اراسىنان سۋىرىلىپ شىققان نۇرشات قۇسان مۋزىكالىق جوبانىڭ العاشقى كەزەڭىندە كومپوزيتور ارمان دۇيسەنوۆتىڭ «تۋعان جەر» ءانىن ورىندادى. سول ساتتە وعان جاس ورەندەردىڭ ونەرىن باعالاۋعا شاقىرىلعان ساحنا ساڭلاقتارىنىڭ ەكەۋى نازار اۋداردى. كەيىن ول ەسترادا جۇلدىزى جۇبانىش جەكسەن ۇلىنىڭ توبىندا ونەر كورسەتتى.
ونەرلى ورەن كوپبالالى وتباسىندا دۇنيەگە كەلگەن. ۇلكەن ساحنادا ونەر كورسەتۋدى ماقسات ەتكەن ول 8 جاسىنان بەرى بي بيلەيدى. كەيىن اتا-اناسى ونىڭ انشىلىك قىرىن بايقاپ, تالابىن ۇشتاۋعا بەت بۇرعان. اتىراۋداعى د.نۇرپەيسىوۆا اتىنداعى مۋزىكا اكادەمياسى جانىنداعى مۋزىكا مەكتەبىنىڭ وقىتۋشىسى شولپان ماڭعىستاۋوۆانىڭ ايتۋىنشا, ونىڭ تالانتى ەرتە بايقالعان.
«ونەر جولى وڭاي ەمەس. بىراق مەن وسى جولدى تاڭدادىم. بولاشاقتا ءان شىعارۋدى جوسپارلاپ ءجۇرمىن. ويتكەنى مۋزىكا – مەنىڭ ءومىرىمنىڭ ءبىر بولىگى», دەيدى نۇرشات قۇسان.
ول بي بيلەيدى, فورتەپيانودا وينايدى, سۋرەت سالادى. ەندى ءتۇرلى مۋزىكالىق اسپاپتاردا ويناۋدى ۇيرەنگىسى كەلەدى. ونىڭ ءبىر ارمانى بار. بۇل – قازاق ەلىن ونەرىمەن الەمگە تانىتۋ.
