كوبىنە جۇرگىزۋشىلەر اسىعىس مانەۆر جاساپ, باسىپ وزۋ ءۇشىن قارسى جولاققا ءوتىپ جاتادى. الايدا بۇل قايعىلى جاعدايلارعا ۇلاسىپ جاتادى. كۇنى كەشە تۇركىستان وبلىسىندا بولعان جول-كولىك وقيعاسىندا 10 ادام وپات بولعان ەدى. تاعى 12 ادام اۋرۋحانادا جاتىر. شايان اۋىلىنىڭ ماڭىنداعى بۇل جانتۇرشىگەرلىك جاعدايدا اۆتوموبيلدەر دە تۇگى قالماي, ورتەنىپ كەتكەن.
«التى اي ىشىندە ءبىز 1,5 مىڭعا جۋىق ادامنىڭ ءومىرىن ساقتاپ قالعانىمىزعا قاراماستان, بۇگىنگى تاڭدا 1 022 ادام قازا تاۋىپ, 7 370 قازاقستاندىق جاراقات العان. ولاردىڭ ءومىرى جول اپاتىنا دەيىن جانە كەيىن بولىپ ەكىگە ءبولىندى, سەبەبى ولاردىڭ قانشاسى امان, قانشاسى مۇگەدەك بولىپ قالاتىنىن بىلمەيمىز», دەدى قر ءىىم اكىمشىلىك پوليتسيا كوميتەتىنىڭ ەرەكشە تاپسىرمالار جونىندەگى اعا ينسپەكتورى اقتوتى بورانوۆا.
