اتاپ ايتقاندا, اۋستريانىڭ زالتسبۋرگ قالاسىندا مارەسىنە جەتكەن ەرلەر اراسىنداعى چەللەندجەر تۋرنيرىندە اندرەي گولۋبەۆ باس جۇلدەگە يە بولدى. جەرلەسىمىز بۇل تۋرنيردە ۋكراينالىق دەنيس مولچانوۆپەن بىرگە جۇپ قۇراپ ويناپ, فينالدىق سايىستا ۇندىستاندىق تەننيسشىلەر – انيرۋد ساندراسەكار مەن ۆيدجاي سۋندار پراشانتپەن شەبەرلىك بايقاستى. ءبىرىنشى پارتيادا قازاقستاندىق-ۋكراينالىق جۇپ 6:4 ەسەبىمەن جەڭىسكە جەتسە, ەكىنشى سەتتە تاي-برەيكتە باسىم بولدى – 7:6 (10:8).
ال يتاليانىڭ باس شاھارى – ريم قالاسىندا وتكەن ايەلدەر اراسىنداعى W60 ساناتىنداعى تۋرنيردە جىبەك قۇلامباەۆا ۇزدىك شىقتى. ول بەلارۋس وكىلى يۋليا گوتوۆكومەن بىرگە فينالدا وسى جارىستىڭ ءبىرىنشى راكەتكاسى بولىپ تىركەلگەن كولۋمبيالىق يۋليانا ليزارازو مەن ماريا پاۋلينامەن كەزدەسىپ, ەكى سەتكە جالعاسقان ويىندا قازاقستاندىق-بەلارۋستىك جۇپ 6:4, 6:4 ەسەبىمەن جەڭىسكە جەتتى.
