7-12 شىلدە ارالىعىندا بىشكەك قالاسىنداعى «بالاجان» رەسپۋبليكالىق ەستەتيكالىق تاربيە بەرۋ وقۋ-ادىستەمەلىك ورتالىعىنىڭ ۇيىمداستىرۋىمەن وتكەن ەتنوكارناۆالعا قىرعىزستان, بەلارۋس, قازاقستان, رەسەي جانە وزبەكستاننىڭ بارلىق وبلىستارىنان 400-دەن استام بالا قاتىستى. ءىس-شارانىڭ ماقساتى – قىرعىزستان مەن تمد ەلدەرىنىڭ ەتنومادەني ەرەكشەلىكتەرىن زەرتتەۋ, جاڭعىرتۋ جانە ساقتاۋ, كوركەمدىك, مۋزىكالىق, ۆوكالدىق, حورەوگرافيالىق تالانتتاردى دامىتۋ. مادەني كەش اياسىندا شىعارماشىلىق بايقاۋلار وتكىزىلىپ, قاتىسۋشىلار ءتۇرلى جانردا باق سىنادى. «فولكلورلىق انسامبل» اتالىمى بويىنشا گران-ءپريدى №2 بالالار مۋزىكا مەكتەبى – قاراعاندى قالاسىنىڭ يۋنەسكو كلۋبى – «اقجەلەڭ» دومبىراشىلار ءانسامبلى جەڭىپ الدى. جاس ورەندەردىڭ جارقىن جەڭىسى الداعى ۋاقىتتا ەسەلەنە بەرمەك.
