سارى قۇرلىق دوداسىنىڭ العاشقى كۇنىندە بوز كىلەمدە 15 جاستاعى گرەك-ريم كۇرەسىنىڭ شەبەرلەرى بەلدەستى. بۇل سىندا قازاقستان قۇراماسىنىڭ جاس بالۋاندارى ناتيجەلى ونەر كورسەتىپ, 3 التىن, 2 كۇمىس جانە 3 قولا جۇلدەگە يە بولدى. وسى ناتيجە ارقىلى وتانداستارىمىز جالپىكوماندالىق ەسەپتە ەكىنشى ورىننان كورىندى.
اتاپ ايتار بولساق, اممان بوزكىلەمىندە دياس ماراتوۆ (48 كگ), دوسبول ءشامىل (57 كگ) جانە ءابىلمانسۇر احالبەك (68 كگ) ازيا چەمپيوندارى اتانسا, مارلەن مەيىربەك ۇلى (62 كگ) مەن ايانبەك يبراەۆ (85 كگ) كۇمىس جۇلدەگە يە بولدى. سۇلتان ءماۋلىتحانوۆ (38 كگ), سۇڭقار زاراپ (44 كگ) جانە دامير اقان (52 كگ) قولاعا قول جەتكىزدى.
