حابار 24 ارناسى ۇسىنعان دەرەكتەرگە سايكەس, سوڭعى ەكى جارىم جىلدا قازاقستاندا بۋكمەكەرلىك كەڭسەلەردىڭ سانى 38-دەن 16-عا دەيىن ازايدى. قازىر تاعى ءتورت بۋكمەكەرلىك كەڭسەنىڭ ليتسەنزياسىن جويۋ بويىنشا جۇمىس جۇرگىزىلىپ جاتىر. سونداي-اق جىل باسىنان بەرى 5 ليتسەنزيا قايتارىلدى.
مادەنيەت جانە سپورت ءمينيسترى اسحات ورالوۆ قازاقستان ازاماتتارى اراسىندا بەلەڭ العان قۇمار ويىن ماسەلەسى توڭىرەگىندە كەڭەس وتكىزدى. وعان ۆيتسە-مينيسترلەر, كوميتەت توراعالارى جانە اپپارات باسشىسى قاتىستى.
«مادەنيەت جانە سپورت مينيسترلىگى جانىنان زاڭعا وزگەرىستەر ەنگىزۋ ءۇشىن جۇمىس توبى قۇرىلىپ, بەلسەندى جۇمىس اتقارىپ جاتىر. بۇگىنگى تاڭدا قالا كوشەلەرىنە قارايتىن بولساق, ەلوردادان باستاپ شالعايداعى اۋىلعا دەيىن ءاربىر كوشەدە بيلبوردتار, باننەرلەردە قۇمار ويىنداردىڭ جارناماسى تۇر. ەشقانداي ءتارتىپ جوق. وسىنىڭ بارىنە توسقاۋىل بولۋىمىز كەرەك. كەرەك بولسا ارنايى بۇيرىقتارعا, زاڭعا دا وزگەرىستەر ەنگىزۋ قاجەت. بۇل ماسەلەنى شەشۋدى سوزباي, تەز ارادا شەشىم قابىلداۋىمىز ماڭىزدى. وسى باعىتتاعى جۇمىستى كۇشەيتۋىمىز كەرەك دەپ ەسەپتەيمىن», دەدى اسحات ورالوۆ.
