ءار جاس ساناتى بويىنشا وتكىزىلگەن دودادا قازاقستان قۇراماسىنىڭ شاحماتشىلارى ەل قورجىنىنا 40 مەدال سالىپ, ۇزدىكتەر قاتارىنان كورىندى. اتاپ ايتقاندا, جەرلەستەرىمىز كلاسسيكالىق شاحمات بويىنشا 4 التىن, 3 كۇمىس جانە 4 قولا جۇلدە ولجالاپ, جالپىكوماندالىق ەسەپتە وزبەكستان وكىلدەرىنە عانا جول بەرىپ, ەكىنشى ورىنعا تۇراقتادى. سونداي-اق 6 جاسقا دەيىنگى چەمپيوناتتان تىس جاعدايدا وتكەن ويىندا ەلىمىزدىڭ جاس شاحماتشىلارى 2 التىن جانە 1 كۇمىس جەڭىپ الدى.
ال راپيد جانە بليتس شاحمات بويىنشا وتانداستارىمىز كوماندالىق ەسەپتە ۇزدىك شىقتى. بليتس باسەكەسىندە شاحماتشىلارىمىز 5 التىن جانە 3 قولا مەدال ولجالاسا, راپيد بويىنشا دا جەرلەستەرىمىز توپ جارىپ, 7 التىن, 3 كۇمىس جانە 8 قولا جۇلدەگە قول جەتكىزدى.
سارى قۇرلىق دوداسىنا بانگلادەش, ءۇندىستان, قازاقستان, قىرعىزستان, ومان, شري-لانكا, تاجىكستان, تۇرىكمەنستان, وزبەكستان ەلدەرىنەن 280-نەن استام شاحماتشى جانە حالىقارالىق شاحمات فەدەراتسياسى اتىنان ويىنشىلار قاتىستى.
