7 شىلدەدە قازاۋەورمانقورعاۋدىڭ مي-2 تىكۇشاعى جاعدايدى باقىلاۋ ءۇشىن ۇشىپ شىقتى. اۋەدەن بارلاۋ ناتيجەلەرى بويىنشا جانۋ الاڭى بولجاممەن 20 گا قۇرايدى. بارلىق ناتيجەلەر ءورتتى ءسوندىرۋ شتابىنا بەرىلەدى. قازىرگى ۋاقىتتا ءورتتىڭ تارالۋى توقتاتىلدى, جەكەلەگەن ءتۇتىن نۇكتەلەرىن ءسوندىرۋ جۇمىستارى جۇرگىزىلىپ جاتىر. ەلدى مەكەندەرگە قاۋىپ جوق.
- ءورتتى سوندىرۋگە ۇلكەن نارىن جانە كۇرشىم ورمان شارۋاشىلىقتارىنان, شقو تجد ءورت ءسوندىرۋ قىزمەتىنەن جانە جەرگىلىكتى اتقارۋشى ورگانداردان 100-دەن استام ادام مەن 15 بىرلىك تەحنيكا جۇمىلدىرىلدى, - دەلىنگەن شقو تجد ءباسپاسوز قىزمەتىنىڭ حابارلاماسىندا.
«قازگيدرومەت» اقپاراتى بويىنشا ءورت ورنىندا جەل ەكپىنى سەكۋندىنا 2-3 مەتر, كۇن بۇلتتى.
