«قالامىزعا 90-عا جۋىق جاڭا اۆتوبۋس جەتكىزىلدى. وسى ايدا تاعى 40-قا جۋىق اۆتوبۋستىڭ جەتكىزىلۋىن كۇتىپ وتىرمىز. قوعامدىق كولىكتىڭ ءبىر بولىگى – ەلەكتر اۆتوبۋستارى.
جاڭا اۆتوبۋستار ينتەللەكتۋالدى باقىلاۋ جۇيەسىمەن, پاندۋستارمەن جانە ەرەكشە قاجەتتىلىگى بار جاندارعا ارنالعان ارنايى ورىندارمەن جابدىقتالعان.
جالپى, بيىل قوعامدىق كولىك پاركىن 400 اۆتوبۋسقا ارتتىرۋدى جوسپارلاپ وتىرمىز. ماسەلەن كۇن سايىن جەلىگە ورتا ەسەپپەن 900 اۆتوبۋس شىعادى.
وسىلايشا, 400 جاڭا اۆتوبۋس اۆتوپاركتى ەداۋىر ۇلعايتۋعا, جاڭا مارشرۋتتاردى ىسكە قوسۋعا, قوعامدىق كولىكتى كۇتۋ ۋاقىتىن قىسقارتۋعا, ەسكى اۆتوبۋستاردى كەزەڭ-كەزەڭىمەن اۋىستىرۋعا جانە ت.ب. مۇمكىندىك بەرەدى.
اۆتوبۋستاردىڭ ءبىر بولىگى «ونەركاسىپتى دامىتۋ قورى» اق ارقىلى قوعامدىق كولىكتى جەڭىلدەتىلگەن ليزينگتىك قارجىلاندىرۋ باعدارلاماسى بويىنشا, سول سياقتى جەكە اۆتوپاركتەردىڭ قاراجاتى ەسەبىنەن ساتىپ الىندى», دەپ جازدى جەڭىس قاسىمبەك.
