ايتا كەتسەك, بۇل اۋداندا 6 مىڭعا جۋىق قانداسىمىز تۇرادى.
كەزدەسۋگە «وتانداستار قورى» كەاق پرەزيدەنتى ابزال ساپاربەك ۇلى, قازاقستان رەسپۋبليكاسىنىڭ موڭعولياداعى ەلشىسى عابيت بەيبىت ۇلى قويشىباەۆ باستاعان دەلەگاتسيا مۇشەلەرى, قر ءماجىلىس دەپۋتاتتارى ءۇنزيلا شاپاك, نۇرگۋل تاۋ, جارقىنبەك امانتاي, ديپلوماتيا ارداگەرى سايلاۋ باتىرشا ۇلى, جازۋشى كادىربەك قۇنىپيا, «پرەزيدەنت جانە حالىق» گازەتىنىڭ باس رەداكتورى مارات توقاشباەۆ, جازۋشى اۋىت مۇقيبەك, تۇركيانىڭ ميمار سينان ۋنيۆەرسيتەتىنىڭ پروفەسسورى ابدۋلۆاحاپ قارا, نالايح اۋدانىندا قىزمەت ەتەتىن «ەر بىرلىگى» ۇكىمەتتىك ەمەس ۇيىم باسشىلارى مەن وكىلدەرى قاتىستى.
كەزدەسۋ بارىسىندا «وتانداستار قورى» كەاق پرەزيدەنتى ابزال ساپاربەك ۇلى موڭعولياداعى جانە قازاقستانعا كوشىپ كەلگەن قانداستارىمىز موڭعوليا مەملەكەتىنىڭ قامقورلىعىن ەرەكشە ىقىلاس-ريزاشىلىقپەن ەسكە الاتىنىن جانە بۇل شىن جۇرەكتەن شىققان ءسوز دەپ اتاپ ءوتتى. ءسوزىن جالعاستىرا كەلە, قوعام باسشىسى موڭعوليا قازاقتارىنىڭ كىشى قۇرىلتايى اياسىندا جوسپارلانعان ءىس-شارالار تۋرالى ايتىپ بەردى. بۇل قۇرىلتايدىڭ نەگىزگى ماقساتتارىنىڭ ءبىرى موڭعولياداعى قانداستارىمىزدىڭ ودان ءارى ەكى دوس ەل اراسىندا التىن كوپىر بولىپ قالا بەرۋىن جالعاستىرۋ.
ءوز كەزەگىندە قر ءماجىلىسى دەپۋتاتتارى ءۇنزيلا شاپاق, نۇرگۇل تاۋ جانە جارقىنبەك امانتاي موڭعوليا ەلىنىڭ تۋمالارى رەتىندە موڭعولياعا كەلگەندەرىنە قۋانىشتى ەكەنىن جانە پارلامەنتارالىق بايلانىستارعا ءوز ۇلەستەرىن قوسۋعا دايىن ەكەندەرىنە سەنىم ءبىلدىردى.
ديپلوماتيا ارداگەرى سايلاۋ باتىرشا ۇلى 1992 جج. تاۋەلسىزدىكتىڭ العاشقى جىلدارىنداعى قارىم-قاتىناستار تۋرالى سىر شەرتتى.
ايتا كەتسەك, كىشى قۇرىلتاي اياسىندا, موڭعوليانىڭ ۇلان-باتىر, حوبدا, بايان-ولگەي ايماقتارىندا موڭعوليا رەسمي تۇلعالارىمەن كەزدەسۋلەر, ەكى ەلدىڭ عالىمدارىمەن دوڭگەلەك ۇستەل, كىتاپ تۇساۋكەسەرلەرى, ەسكەرتكىش پەن كوشە اشۋ, كىشى قۇرىلتاي وتىرىسى, بيزنەس فورۋم جانە قاراعاندى تاتتىمبەت اتىنداعى كونسەرۆاتوريا وركەستىرىنىڭ كونتسەرتى جوسپارلانىپ وتىر.
