الماتى قالاسىنىڭ اكىمشىلىك قۇقىق بۇزۋشىلىق ىستەر جونىندەگى مامانداندىرىلعان اۋدانارالىق سوتىندا اسكەري ءبولىم باستىعىنىڭ بەلگىلەنگەن تارتىپپەن بەرىلگەن بۇيرىعىن ورىنداۋدان اشىق باس تارتقان قاتارداعى نۇراسىل بولاتقا قاتىستى اكىمشىلىك ءىس قارالدى.
سوت 2 شىلدەدە اسكەري ءبولىمنىڭ اسكەري قىزمەتكەرى قاتارداعى جاۋىنگەر نۇراسىل بولاتتىڭ الماتى گارنيزونى گاۋپتۆاحتاسىنان شىققاننان كەيىن كومانديردىڭ بۇيرىعىنا سايكەس ءوزىنىڭ اسكەري بولىمىنە بارۋعا مىندەتتى بولعانىن انىقتادى.
«الايدا ول وعان بولىمشە كومانديرىنىڭ لەيتەنانت ا. بەرگەن بۇيرىعىن ورىنداۋدان اشىق تۇردە باس تارتىپ, اسكەري پوليتسيا باسقارماسىنىڭ عيماراتىنا كەلگەن اۆتوكولىكپەن بەلگىسىز باعىتتا كەتىپ قالعان», دەلىنگەن سوت حابارلاماسىندا.
سوت نۇراسىل بولاتتى اقبتك-ءنىڭ 652-بابىنىڭ 6-بولىگىندە كوزدەلگەن اكىمشىلىك قۇقىق بۇزۋشىلىقتى جاساعانى ءۇشىن كىنالى دەپ تانىدى. ول 15 تاۋلىككە قاماۋعا الىندى.
سوت ۇكىمى زاڭدى كۇشىنە ەنگەن جوق.
