«استانا جاڭارۋ مەن جاڭعىرۋعا جول اشتى. بۇگىندە استانا جان-جاقتى ءارى قارقىندى دامىپ جاتىر. ەلوردامىزدىڭ حالىقارالىق بەدەلى ارتۋدا. استانا يۋنەسكو-نىڭ شەشىمىمەن «بەيبىتشىلىك قالاسى» اتاندى. باس قالامىزدا كوپتەگەن ءىس-شارالار ۇيىمداستىرىلدى. ەۋروپاداعى قاۋىپسىزدىك جانە ىنتىماقتاستىق ۇيىمىنىڭ ءسامميتى, ەكسپو حالىقارالىق كورمەسى ءوتتى», دەدى مەملەكەت باسشىسى.
سونداي-اق ول قازىر استانا دىنارالىق ديالوگ پەن رۋحاني ديپلوماتيانىڭ ورداسى ەكەنىن ايتتى.
«استاناعا ريم پاپاسى ارنايى كەلگەنىن بىلەسىزدەر. كەزىندە اسا مارتەبەلى ءىى يوانن پاۆەل قوناق بولدى. بىلتىر اسا قادىرلى فرانتسيسك كەلدى. ولار قازاقستاننىڭ الەمدىك رۋحانياتتى نىعايتۋعا قوسقان ۇلەسىن جوعارى باعالادى. ءبىزدىڭ يگى باستامالارىمىزعا قولداۋ ءبىلدىردى. بۇل – ءبىز ءۇشىن زور مارتەبە», دەدى پرەزيدەنت.
