22 ماۋسىم كۇنى شۆەيتساريادا وتكەن حالىقارالىق وليمپيادا كوميتەتىنىڭ كەزەكتەن تىس سەسسياسىندا IBA-نى حوك قۇرامىندا قالدىرۋ نەمەسە قالدىرماۋ ماسەلەسى قارالدى. داۋىس بەرۋ ناتيجەسى بويىنشا ۇيىمنىڭ 69 مۇشەسى IBA-نى مويىنداۋدان باس تارتىپ, قارسى داۋىس بەرسە, بىرەۋى IBA-نى حوك قۇرامىندا قالدىرۋ كەرەك دەگەن ۇستانىمىن بىلدىرگەن. قالعان 10 سايلاۋشى قالىس قالدى.
وسىلايشا, حوك IBA-نى 2024 جىلعى پاريج جانە 2028 جىلى لوس-اندجەلەستە وتەتىن جازعى وليمپيا ويىندارىنا بوكس تۋرنيرلەرىن ۇيىمداستىرۋ قۇقىعىنان ايىردى. حالىقارالىق بوكس قاۋىمداستىعىنىڭ مىندەتىن ازىرگە حوك اتقارادى.
