تۇماندى البيوندا وتكەن تەننيسشىلەر باسەكەسىندە جەرلەسىمىز ەكۆادور وكىلى گونسالو ەسكوبارمەن جۇپ قۇراپ, فينالدا امەريكالىق جانە اۋستراليالىق روبەرت گەللوۋەي مەن دجون پاتريك سميتپەن شەبەرلىك بايقاستى. 1 ساعات 31 مينۋتقا جالعاسقان ماتچتا الەكساندر مەن گونسالو قارسىلاستارىنان ءۇش سەتتە 2:6, 7:5, 11:9 ەسەبىمەن باسىم ءتۇسىپ, حالىقارالىق ءتۋرنيردىڭ باس جۇلدەسىن جەڭىپ الدى.
بۇعان دەيىن الەكساندر نەدوۆەسوۆ اتر 250 ساناتىنداعى ەكى جارىستىڭ فينالىنا شىعىپ, ەكەۋىندە دە جولى بولماعان ەدى. وسىدان ءبىر اپتا بۇرىن ول ءدال وسى ەسكوبارمەن نيدەرلاندتا جالاۋى جەلبىرەگەن اتر 250 دوداسىندا ەكىنشى ورىنعا يە بولعان بولسا, ءساۋىر ايىندا پورتۋگاليالىق فرانتسيسكو كابرالمەن بىرگە بوسنيا جانە گەرتسەگوۆيناداعى جارىستىڭ فينالىندا قارسىلاستارىنا جول بەرگەن ەدى.
سونداي-اق كەشە كەشكىسىن جەكەلەي سىنداعى ەلىمىزدىڭ ەرلەر اراسىنداعى ءبىرىنشى راكەتكاسى الەكساندر بۋبليك گەرمانيانىڭ گاللە قالاسىنداعى ATP-500 ءتۋرنيرىنىڭ فينالىندا الەمدىك رەيتينگتە ءۇشىنشى ورىندا تۇرعان رەسەيلىك اندرەي رۋبليوۆپەن باس جۇلدەنى ساراپقا سالدى.
