ديماش تۇپكىر-تۇپكىردەن جينالعان تىڭدارماندارىنىڭ الدىندا ونەر كورسەتىپ, كونتسەرت وتكىزدى. كونتسەرتتە ءانشى جەتى تىلدە ءان شىرقادى.
dimashnews.com سايتىنىڭ اقپاراتىنا سايكەس, كونتسەرتتە ديماشتىڭ ورىنداۋىندا ەۋروپا مەن امەريكا اۆتورلارىنىڭ «Golden», «If I never breathe again», «S.O.S» شىعارمالارى شىرقالدى. جاپوندىق اۆتور كوزي تاماكيدىڭ تەرەڭ جانە قايعىلى «Autumn strong» ءانى ديماشتىڭ «I am a Singer» جوباسىنداعى ساتتەردى ەسكە ءتۇسىرىپ سونداي-اق ءارتىستىڭ «Screaming», «Let it be» كومپوزيتسيالارىن جانە قىتاي تىلىندەگى «Battle of Memory» ساۋند-ترەگىن ورىندادى.
كومپوزيتور يگور كرۋتويدىڭ شىعارمالارى ديماشتىڭ شىعارماشىلىعىندا ماڭىزدى ورىن الادى. شوۋدىڭ «Stranger» تيتۋلدىق انىنەن, پوليفونيالىق «وليمپيكو», سونداي-اق «اۆە ماريانىڭ» جانە بارلىق Dears-ءتىڭ سۇيىكتى «ليۋبوۆ ۋستاۆشيح لەبەدەي» انىنەن باستاپ, ءنومىردى اياقتاعانعا دەيىن بارلىق زال حورمەن شىرقادى.
كونتسەرتتىڭ قوناعى ءوزىنىڭ كەرەمەت ءحيتى «Bukan Cinta Biasa» جانە ءداستۇرلى «NIRMALA» ءانىن ورىنداعان سيتي نۋرحاليز ەسىمدى مالايزيالىق ءانشى بولدى.
شوۋ باعدارلاماسىندا كورەرمەندەر ارتىسپەن بىرگە قازاق تىلىندەگى «دايديداۋ» جانە «دۋرداراز» حالىق ءانىن, سونداي-اق قازاقستاندىق كومپوزيتورلار ايگۇل باجانوۆانىڭ «ماحاببات بەر ماعان», ەدىلجان عابباسوۆتىڭ «Fly Away» جانە ديماشپەن بىرگە جازعان «Zhalyn» اندەرىن تىڭداپ, ورىندادى.
شوۋدىڭ سوڭعى بولىمىندە يسپان تىلىندەگى «El amore en ti» ءىرى كومپوزيتورلىق جۇمىستارى جانە وسى كەشتە ەرەكشە اسەرلى بولعان «The story of one sky» رەكۆيەمى ورىندالدى.
«بۇل ارمان! مەن وتە باقىتتى ءارتىسپىن, ويتكەنى مەندە سىزدەردەي كەرەمەت تىڭداۋشىلار بار!» دەپ ديماش ءوز جانكۇيەرلەرىن كەلەسى كونتسەرتتەردە كۇتەتىنىن ايتتى.
