ەلوردانىڭ ءاربىر اۋدانىندا رۇقسات ەتىلمەگەن قوقىس ۇيىندىلەرى پايدا بولماس ءۇشىن كۇندەلىكتى مونيتورينگ جۇرگىزىلەدى, سول سياقتى جەرگىلىكتى ورىنداردا ولاردى جويۋ بويىنشا جەدەل جۇمىس جۇرگىزىلەدى. وعان 100-گە جۋىق ارنايى تەحنيكا جۇمىلدىرىلعان. جىل باسىنان بەرى قالا بويىنشا 74 ستيحيالىق پوليگون انىقتالدى, ولاردىڭ باسىم بولىگى جويىلدى.
بايقوڭىر اۋدانىندا مونيتورينگ ارقىلى 8 مەكەنجاي بويىنشا رۇقسات ەتىلمەگەن 9 ورىن انىقتالدى. ولاردىڭ سەگىزى جويىلدى, بىرەۋى جويۋ بويىنشا جۇمىس جالعاسۋدا. جينالعان قوقىس «سەۆەرنايا گريادا» مەن «ەكو-پوليگون» قۇرىلىس قالدىقتارى پوليگوندارىنا شىعارىلدى.
الماتى اۋدانىندا 9 ۋچاسكەدە انىقتالعان 39 ورىننىڭ 25-ءى جويىلدى. اۋماقتى باقىلاۋ ءۇشىن 4 مەكەنجاي بويىنشا بەينەباقىلاۋ كامەرالارى ورناتىلادى:
1) ج.ناجىمەدەنوۆ كوشەسى, 39;
2) ش.قالداياقوۆ كوشەسى, 58;
3) ج.ناجىمەدەنوۆ كوشەسى, 62;
4) ج.ناجىمەدەنوۆ - ا.بايتۇرسىنوۆ كوشەلەرىنىڭ اراسىنداعى اۋماق.
ەسىل جانە نۇرا اۋداندارىندا «نۇرلى جول» ۆوكزالىنا قاراي ۇلى دالا داڭعىلىنداعى قوقىستاردى جويۋ جۇمىسى ءجۇرىپ جاتىر. بۇل ورىنداعى جۇمىستىڭ 80%-عا جۋىعى, «جەتىسۋ» تك اۋدانىندا – 20%-عا جۋىعى, «زارەچنىي» ەلدى مەكەنى اۋماعىنداعى «باقىت پرەميۋم» تك اۋدانىندا-100%, سول سياقتى «پريگورودنىي» ەلدى مەكەنىندە – 100%, قابانباي باتىر داڭعىلىنان اۋەجايعا قاراي – 100%, «تاليسمان» تك اۋدانىندا – 100% ورىندالدى.
بيىل قالانىڭ تسيفرلاندىرۋ جانە مەملەكەتتىك قىزمەتتەر باسقارماسىمەن بىرلەسىپ, رۇقسات ەتىلمەگەن قوقىس ۇيىندىلەرى جينالاتىن ورىنداردا تاۋلىك بويى مونيتورينگ جۇرگىزۋ ءۇشىن جالپى بەينەباقىلاۋ بەينەكامەرالارىن ورناتۋ جوسپارلانىپ وتىر.
قازىرگى ۋاقىتتا سارىارقا اۋدانىندا 16 ورىن بويىنشا 14 مىڭ توننادان استام قوقىس جويىلدى.
كۇن سايىن ەكولوگيالىق پوليتسيامەن بىرلەسىپ مونيتورينگ جۇرگىزىلەدى. سونىمەن قاتار بۇل ماسەلەدە تۇرعىندار, الەۋمەتتىك جەلىلەردەگى سۇرانىستار مەن «عارىش ساپارى» سۋرەتتەرى سەپتىگىن تيگىزەدى.
