پرەزيدەنت قاسىم-جومارت توقاەۆ كەزدەسۋ بارىسىندا ءوڭىردىڭ جاڭا باسشىسىنا ماڭىزدى مىندەتتەر جۇكتەدى. اتاپ ايتقاندا, ازاماتتاردىڭ تۇرمىس ساپاسى مەن ءال-اۋقاتىن ودان ءارى ارتتىرۋ, ايماق ەكونوميكاسىن دامىتۋ ماسەلەلەرىنە نازار اۋداردى. سونداي-اق ونەركاسىپ, اۋىل شارۋاشىلىعى, شاعىن جانە ورتا كاسىپكەرلىك سالالارىنداعى تۇراقتى ءوسىمدى قامتاماسىز ەتۋدى تاپسىردى.
سونداي-اق پرەزيدەنت قاتون-قاراعاي, مارقاكول اۋداندارىن قايتا قۇرۋ جونىندە شەشىم قابىلدانعانىنا توقتالىپ, شەكارالاس اۋماقتاعى ەلدى مەكەندەردى جۇيەلى تۇردە دامىتۋ قاجەت ەكەنىن ەسكەردى.
مەملەكەت باسشىسى وبلىس اكىمىنە كوممۋنالدىق ينفراقۇرىلىم نىساندارىن جاڭعىرتۋ, جىلۋ ەلەكتر ستانسالارىنىڭ ۇزدىكسىز جۇمىسىن قامتاماسىز ەتۋ جانە جىلىتۋ ماۋسىمىنا دايىندىق جۇمىستارىن پىسىقتاۋ جونىندە تاپسىرما بەردى.
