بانك بولىمشەسىن 30 جاستاعى ەر ادام باسىپ العانى بەلگىلى بولدى. قولىندا تاپانشاسى بار. ول ءتورت ادامدى كەپىلدە ۇستاپ وتىر. ەگەر ونىڭ تالاپتارى ورىندالماسا, ءۇش ساعاتتان كەيىن ءبىرىنشى ادامدى ولتىرەتىنىن ايتتى.
ول بانكتىڭ بارلىق اكتيۆتەرىن مۇگەدەك بالالارعا, كەدەيلەر مەن مۇقتاج جاندارعا بەرۋدى تالاپ ەتتى.
«قازىر فيليالدا تەك بانك قىزمەتكەرلەرى عانا بار, بولىمشەدە كليەنتتەر جوق. پوليتسيا قىزمەتكەرلەرى ەر اداممەن كەلىسسوزدەر جۇرگىزىپ جاتىر.
كەز كەلگەن اقپاراتتى تاراتۋعا جاۋاپكەرشىلىكپەن قاراۋىڭىزدى جانە قۇقىق قورعاۋ ورگاندارىنىڭ جۇمىسىنا كەدەرگى كەلتىرمەۋىڭىزدى سۇرايمىز. كەز كەلگەن جالعان اقپارات جاعدايدىڭ شيەلەنىسۋىنە اكەلۋى مۇمكىن», دەپ ءتۇسىندىردى Kaspi بانك قىزمەتكەرلەرى.
