اباي وبلىسىنداعى ورتكە بايلانىستى ەلىمىزدىڭ تۇپكىر-تۇپكىردەرىنەن ەرىكتىلەر ازىق-ت ۇلىك پەن قاجەتتى زاتتاردى جەتكىزىپ جاتىر. جەرگىلىكتى اكىمدىكتىڭ مالىمەتىنشە قازىر جاعداي تۇراقتالعاندىقتان, ازىق-ت ۇلىك تولىق جەتكىلىكتى.
«قۇرمەتتى جەرلەستەر, تج كەزىندە اباي وبلىسىنا كومەك قولىن سوزعانداردىڭ بارلىعىنا راحمەت. ءبىزدىڭ وبلىسىمىزدىڭ ءاربىر اۋدانى, ەلىمىزدىڭ ءاربىر وبلىسى قول ۇشىن سوزىپ, بىزگە كومەك كورسەتتى. بۇگىن ءورتتىڭ بەتى قايتقان كەزدە بارشاڭىزعا ۇلكەن العىسىمىزدى بىلدىرەمىز جانە ازىق-ت ۇلىك پەن ءبىرىنشى كەزەكتە قاجەتتى زاتتاردى قابىلداۋ توقتاتىلاتىنىن جاريالايمىز», دەدى وبلىستىق ءماسليحات توراعاسى قۋانىش سۇلەيمەنوۆ.
قالعان ازىق-ت ۇلىك پەن قاجەتتى زاتتار مۇقتاج ادامدارعا تاراتىلادى.
«اكەلىنگەننىڭ ءبارى قويمالاردا, بۇل ماسەلەمەن «اق ەرتىس» قورى اينالىسادى. بارلىق ونىمدەر تىزىمدەمەمەن قابىلدانىپ, بەرىلەدى. جاقىن كۇندەرى بۇل ازىق-ت ۇلىكتەر ءورت سوندىرۋشىلەر مەن اسكەريلەرگە جەتكىزىلەدى. ەگەر قانداي دا ءبىر ونىمدەر قالسا, ارنايى كوميسسيا بۇل ونىمدەردى بورودۋليحا اۋدانىنا نەمەسە بالالار ۇيىنە تاراتادى», دەدى قۋانىش سۇلەيمەنوۆ.
گۋمانيتارلىق كومەكتى جيناۋ مەن ءبولۋدى ۇيلەستىرۋمەن «Amanat» پارتياسى, ەرىكتىلەردىڭ ۇلتتىق جەلىسى, سونداي-اق «اق ەرتىس» قوعامدىق قورى اينالىستى. بۇگىنگى تاڭدا كومەك كورسەتۋ ءۇشىن ارنايى شوتقا جەكە جانە زاڭدى تۇلعالاردان 500 ملن تەڭگەدەن استام قاراجات تۇسكەن.
