ۇيىم پرەزيدەنتى ەد لەۆين باق وكىلدەرىنە بەرگەن سۇحباتىندا: «ۇلكەن ماقتانىشپەن جانە وكىنىشپەن ورتا سالماقتاعى الەم چەمپيونى گەننادي گولوۆكيننىڭ رەسمي تۇردە IBO چەمپيوندىق اتاعىنان باس تارتقانىن حابارلاۋعا ءماجبۇرمىز. قازىر ورتا سالماقتاعى بۇل اتاق بوس تۇر», دەدى.
گەننادي گولوۆكين – حالىقارالىق بوكس ۇيىمىنىڭ (IBO) تاريحىندا IBO چەمپيوندىق تيتۋلىن ۇزاق ۋاقىت قورعاپ, 12 جىل بويى وزىندە ساقتاعان ساناۋلى بوكسشىنىڭ ءبىرى. ول بۇل اتاقتى ەڭ العاش 2011 جىلدىڭ 9 جەلتوقسانىندا جەڭىپ العان بولاتىن. وتانداسىمىز سول جىلى امەريكالىق لاحۋان سايموندى ءبىرىنشى راۋندتا نوكاۋتپەن تىزە بۇكتىرگەن ەدى.
بۇل – 41 جاستاعى وتانداسىمىزدىڭ وسى كۇنگە دەيىن قورعاپ كەلگەن ەڭ سوڭعى چەمپيوندىق بەلبەۋى بولاتىن. مۇنىڭ الدىندا جەرلەسىمىز WBA Super جانە IBF تيتۋلدارىنان دا باس تارتقان ەدى.
