سپورتتى دامىتۋ ديرەكتسياسىنىڭ مالىمەتى بويىنشا, جارىستىڭ العاشقى كۇنىندە ۇيىمداستىرىلعان كوماندالىق سايىستا قازاقستان ەرلەر قۇراماسى ۇزدىكتەر قاتارىنان كورىنىپ, ازيا بىرىنشىلىگىنىڭ قولا جۇلدەسىنە يە بولدى. ال سارى قۇرلىق دوداسىنىڭ باس جۇلدەسى جاپونيا قۇراماسىنا بۇيىرسا, كۇمىس مەدال قىتاي قۇراماسىنىڭ ەنشىسىندە كەتتى.
كۇنشىعىس ەلىنىڭ وكىلدەرى 2018 جىلعى ازيا چەمپيوناتىندا دا كوماندالىق سايىستا توپ جارعان بولاتىن. ءبىزدىڭ قۇرامادان جارىس جولىنا Əلىشەر جۇماحان, ارتيوم زاحاروۆ, دميتري نوسكوۆ جانە راميس دىنمۇحامەدوۆ شىقتى. ولار 4 شاقىرىم جولدى 4:00.4 سەكۋند ىشىندە ءجۇرىپ وتكەن.
بيىلعى ازيا بىرىنشىلىگىنە سارى قۇرلىقتا ورنالاسقان 30 ەلدىڭ ەڭ ۇزدىك ۆەلوسپورتشىلارى قاتىسىپ جاتىر. ولاردىڭ قاتارىندا 14 وتانداسىمىز دا بار. 2018 جىلى ءدال وسى نيلايداعى ۇلتتىق ۆەلودرومدا وتكەن قۇرلىق چەمپيوناتىندا ازيانىڭ 22 مەملەكەتىنىڭ وكىلدەرى جۇلدەلەردى ساراپقا سالعان بولاتىن.
