«گرۋزيانىڭ ادىلەت مينيسترلىگى لاۋازىمدىق قۇزىرەتىن اسىرا پايدالانعانى جانە 50 ملن تەنگەدەن استام بيۋدجەت قاراجاتىن ىسىراپ قىلعانى ءۇشىن كۇدىكتى دەپ تانىلعان تاراز قالاسى اكىمىنىڭ بۇرىنعى ورىنباسارىن ۇستاپ بەرۋ تۋرالى قازاقستان رەسپۋبليكاسى باس پروكۋراتۋراسىنىڭ سۇراۋ سالۋىن قاناعاتتاندىردى», دەلىنگەن باس پروكۋراتۋرا حابارلاماسىندا.
بۇدان بۇرىن كۇدىكتىگە حالىقارالىق ىزدەۋ جاريالانعان بولاتىن. ىزدەۋ ناتيجەسىندە قايرات سارىتاي گرۋزيادا ۇستالعان.
«گرۋزيالىق ارىپەستەرمەن اراداعى تىعىز قارىم-قاتىناستىڭ ناتيجەسىندە بۇگىن باس پروكۋراتۋرا, سىبايلاس جەمقورلىققا قارسى ءىس-قيمىل اگەنتتىگىنىڭ قىزمەتكەرلەرى قازاقستان رەسپۋبليكاسى سىرتقى ىستەر مينيسترلىگىنىڭ كومەگىمەن كۇدىكتىنى قىلمىستىق جاۋاپقا تارتۋ ءۇشىن قازاقستانعان اكەلدى», دەلىنگەن حابارلامادا.
باس پروكۋراتۋرانىڭ مالىمەتىنشە, كۇدىكتى استانا قالاسىنىڭ تەرگەۋ يزولياتورىنا قامالعان جانە تاعىلعان ايىپتارعا سايكەس وعان 12 جىلعا دەيىن باس بوستاندىعىنان ايىرۋ جازاسى تاعايىندالۋى مۇمكىن.
