نيدەرلاندتىڭ حەرتوگەنبوس قالاسىندا جالاۋى جەلبىرەگەن ATP 250 ساناتىنداعى جارىستىڭ ءبىرىنشى اينالىمىندا ەلىمىزدىڭ ءبىرىنشى راكەتكاسى الەكساندر بۋبليك بەلگيالىق داۆيد گوففەنمەن شەبەرلىك بايقاسىپ, ەكى سەتتە – 7:5, 7:5 ەسەبىمەن جەڭىسكە جەتتى. بۇعان دەيىن جەرلەسىمىز بەلگيالىق تەننيسشىمەن ەكى مارتە كەزدەسىپ, ەكەۋىندە دە قارسىلاسىنىڭ مىقتىلىعىن مويىنداۋعا ءماجبۇر بولعان ەدى. بۇل جولى وتانداسىمىزدىڭ باعى جاندى. بۋبليك كەشە اتالعان ءتۋرنيردىڭ ەكىنشى اينالىمىندا الەمدىك رەيتينگتە 9-ورىندا تۇرعان يتاليالىق ياننيك سيننەرمەن كەزدەستى.
پۋەرتو-ريكونىڭ پالمەس دەل مار قالاسىنداعى «چەللەندجەر» تۋرنيرىندە باق سىناپ جاتقان بەيبىت جۇقاەۆ باستاپقى باسەكەسىن الەمنىڭ 242-ءشى, وسى جارىستىڭ 6-راكەتكاسى جاپونيالىق يۋتا شيميزۋمەن وتكىزىپ, قارسىلاسىن 6:3, 6:4 ەسەبىمەن تىزە بۇكتىردى.
