ءماجىلىس توراعاسى ەرلان قوشانوۆ بۇل زاڭنىڭ ماقساتى تەك زاڭسىز اكتيۆتەردى قايتارۋ ەكەنىن ايتىپ, وعان قاتىستى تۇسىنىكتەمە بەردى.
«مەملەكەتتەگى ەڭ وزەكتى بولىپ تۇرعان ماسەلە – كەزىندە جىمقىرىلعان دەيمىز بە, زاڭسىز شىعارىلعان دەيمىز بە, سول كلەپتوكراتتىڭ شىعارعان قىرۋار قارجىسىن ەلگە قايتارۋ. ول قانداي جولمەن قايتارىلادى؟ وسى ماسەلە وسى زاڭدا قاراستىرىلعان. بۇل جەردە مۇمكىن بۇرىنعى ستاندارتتارعا كەلمەيتىن تۇستار دا بار شىعار. سەبەبى بۇل جاعدايدىڭ ءوزى دە ستاندارتقا ساي جاعداي ەمەس, شىنىن ايتساق. سوندىقتان بۇل زاڭ, ءبىرىنشى كەزەكتە نەنى رەتتەيدى؟ ءبىزدىڭ شەتەلگە شىعارىپ كەتكەن ءىرى كلەپتوكراتتاردىڭ قارجىلارىن ەلگە قايتارۋدى رەتتەيدى. بىرىنشىدەن, وسى زاڭ بويىنشا رەەستر قۇرىلادى. سول رەەستردە ءوزىڭىز ايتقان ازاماتتاردىڭ ءتىزىمى جاسالادى. ەكىنشىدەن, ول ازاماتتار ول قارجىنى ءوز ەركىمەن قايتارامىز دەيتىن بولسا, قىلمىستىق جاۋاپكەرشىلىكتەن بوساتىلادى. بىزدە بۇگىن ءبىرىنشى كەزەكتەگى ماسەلە – قارجىنى قايتارۋ», دەدى ەرلان قوشانوۆ.
