جەرلەسىمىز مۇحيتتىڭ ارعى بەتىندەگى دودانىڭ فينالىندا الەمنىڭ 187, وسى جارىستىڭ 3-راكەتكاشىسى رەتىندە تىركەلگەن امەريكالىق نيكولاس مورەنو دە البورانمەن شەبەرلىك بايقاستى. باس جۇلدە ءۇشىن وتكەن باسەكەنىڭ ءبىرىنشى پارتياسىندا كۋكۋشكين تاي-برەيكتە ءساتتى ويناپ, العاشقى سەتتى ءوز پايداسىنا اياقتادى – 7:6 (10:8). ەكىنشى سەت تە تاي-برەيككە دەيىن جالعاسىپ, بۇل جولى امەريكالىق تەننيسشىنىڭ مەرەيى ۇستەم بولدى – 7:6 (7:0). ال ءۇشىنشى, شەشۋشى پارتيادا ەسەپ 5:4 بولعان مەزەتتە امەريكالىق تەننيسشى برەيك جاساپ, ماتچتى 6:4 ەسەبىمەن تۇيىندەدى.
وسىلايشا, امەريكالىق نيكولاس مورەنو دە البوران ءبىر اپتانىڭ ىشىندە ەكى جەرلەسىمىزبەن كەزدەسىپ, ەكەۋىن دە قاپى قالدىردى. نيكولاس مورەنو وسىدان ءبىر اپتا بۇرىن ليتتل-روك قالاسىنداعى دودادا بەيبىت جۇقاەۆتى اسا تارتىستى ماتچتا 6:2, 6:7 (1:7), 7:6 (7:5) ەسەبىمەن جەڭىپ كەتكەن ەدى.
