ءورتتى سوندىرۋگە تجم, ورمان شارۋاشىلىعى كوميتەتىنەن, جەرگىلىكتى اتقارۋشى ورگانداردان جانە قورعانىس مينيسترلىگىنەن 1 800-دەن استام ادام, 350-گە جۋىق بىرلىك تەحنيكا جۇمىلدىرىلعان.
توتەنشە جاعدايلار ءمينيسترى گەنەرال-مايور سىرىم ءشارىپحانوۆ وقيعا ورنىنان ءورت ءسوندىرۋ جۇمىستارىن ۇيلەستىرىپ وتىر.
پيلوتسىز ۇشۋ اپپاراتىن پايدالانا وتىرىپ, اەروۆيزۋالدى بارلاۋ ناتيجەلەرى بويىنشا ءورت قاشتاق ورمانشىلىعىنان سەمەي قالاسىنا قاراي باعىت الىپ, جوعارى وربىگەنى بايقالعان. جەدەل ءىس-قيمىلدار مەن قابىلدانعان شارالاردىڭ ارقاسىندا ءورتتىڭ ەلدى مەكەندەرگە تارالۋىنا جول بەرىلگەن جوق.
سونىمەن قاتار ءورت اۋماعىن اەروۆيزۋالدى تەكسەرۋ جانە ءورت وشاقتارىنا اۋەدەن سۋ توگۋدى جۇزەگە اسىرۋ ءۇشىن تىكۇشاقتار تارتىلدى. وتكەن تاۋلىكتە ءورت وشاقتارىنا اۋەدەن 546 رەت سۋ توگىلدى, جالپى كولەمى 1 500-دەن استام توننانى قۇرايدى. ءورتتى ءسوندىرۋ جۇمىستارى باستالعاننان بەرى ءورت وشاقتارىنا اۋەدەن 1 323 رەت سۋ توگىلدى, جالپى كولەمى 4000-عا جۋىق توننانى قۇرايدى.
قازىرگى ۋاقىتقا دەيىن جەدەل جەلىگە 150 قوڭىراۋ ءتۇستى. تجد جەدەل جەلى تەلەفونى: 8 722 235 38 31.
«قازگيدرومەت» دەرەكتەرى بويىنشا 14 ماۋسىم كۇنى قىسقا مەرزىمدى جاڭبىر (جاڭبىردىڭ ىقتيمالدىعى 60%), نايزاعاي, داۋىل, سولتۇستىك-شىعىس جەل سەكۋندىنا 15-20 مەتر, ەكپىنى سەكۋندىنا 23-28 مەترگە دەيىن بولادى دەپ بولجانىپ وتىر. تۇندە اۋا تەمپەراتۋراسى +5+100س, كۇندىز +18+23س.
