ارگەنتينانىڭ لا-پلاتا قالاسىندا ورنالاسقان مارادونا اتىنداعى ستاديوندا وتكەن فينالدىق باسەكەدە ۋرۋگۆاي جاستارى يتاليا فۋتبولشىلارىمەن كەزدەسىپ, 1:0 ەسەبىمەن جەڭىسكە جەتتى. وڭتۇستىكامەريكالىق قۇراماعا جەڭىس سىيلاعان جالعىز گولدى ويىننىڭ 86-مينۋتىندا لۋسيانو رودريگەس سوقتى. وسىلايشا, ۋرۋگۆاي ءوز تاريحىندا العاش رەت جاستار اراسىنداعى الەم چەمپيوناتىندا توپ جاردى. مۇنىڭ الدىندا ولار ەكى رەت (1997 جانە 2013 جىلدارى) كۇمىس, ءبىر مارتە (1979) قولا جۇلدەگەر اتانعان بولاتىن.
ال ءۇشىنشى ورىن ءۇشىن وتكەن باسەكەدە يزرايل قۇراماسىنىڭ مەرەيى ۇستەم بولدى. ولار قولا جۇلدە ءۇشىن بولعان ماتچتا وڭتۇستىك كورەيا جاستارىن 3:1 ەسەبىمەن تىزە بۇكتىردى.
