وبلىس اكىمى ەرالى توعجانوۆ, اۋدان اكىمدەرى مەن مەملەكەتتىك ورگانداردىڭ باسشىلارى اباي وبلىسىندا قازا تاپقان ورمانشىلاردى ءبىر مينۋت ۇنسىزدىكپەن ەسكە الدى.
ء«ورت سالدارىنان كوز جۇمعان ازاماتتاردىڭ تۋىستارى مەن جاقىندارىنىڭ قايعىلارىنا ورتاقتاسىپ كوڭىل ايتامىن. ولاردىڭ ارقايسىسى ءوز ءومىرىن باسقالار ءۇشىن قۇربان ەتىپ, ەڭبەكتەرىنە ناعىز ادال بولعان جاندار. ءبىز بۇل بولعان توتەنشە جايدايدى ءجاي عانا سىرتتان باقىلاپ وتىرماۋىمىز كەرەك. مەن ورمان ورتتەرىنەن زارداپ شەككەندەرگە قولداۋ كورسەتۋ ماقساتىندا ءبىر كۇندىك جالاقىنى اۋدارۋدى ۇسىنامىن. سونداي-اق ءبىز وسىنداي توتەنشە جاعدايلاردىڭ الدىن الۋ بويىنشا ءتيىستى شارالار قابىلداۋىمىز قاجەت», دەدى ەرالى توعجانوۆ.
